വടകരയിൽ ജയരാജനെതിരെ കെ മുരളീധരൻ,

തിരുവനന്തപുരം:വടകരയില്‍ കെ. മുരളീധരൻ യു ഡിഎഫ് സ്ഥാനാർതഥി യായി അങ്കത്തട്ടിലിറങ്ങും. ഇക്കാര്യത്തിൽ നിർണായക നീക്കം നടത്തിയത് എഐസിസി ജനറല്‍ സെക്രട്ടറി ഉമ്മന്‍ ചാണ്ടിയാണ്. കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ മത്സരിക്കാനില്ലെന്ന നിലപാടില്‍ ഉറച്ചു നിന്നതും ടി.സിദ്ധിഖിന് വയനാട് വേണമെന്ന് എ ഗ്രൂപ്പ് വാശിപടിച്ചതുമാണ് വടകരയിലെ സ്ഥാനാര്‍ഥി നിര്‍ണയം വൈകാൻ കാരണ മായത്. വടകരയില്‍ കരുത്തനായ സ്ഥാനാര്‍ഥി വേണമെന്ന ആവശ്യം കോണ്‍ഗ്രസില്‍ ശക്തമായിരുന്നു എന്നതാണ് യാഥാർഥ്യം.

മുല്ലപ്പള്ളി മത്സരിക്കാന്‍ ഇല്ലെന്നു വ്യക്തമാക്കിയതോടെ വിദ്യാ ബാലകൃഷ്ണന്‍, ബിന്ദു കൃഷ്ണ, അഡ്വ. പ്രവീണ്‍കുമാര്‍ എന്നിവരെയും പരിഗണിച്ചിരുന്നു.എതിരാളി ആരാണെന്നു അറിഞ്ഞതോടെ ബിന്ദുകൃഷ്ണ ഉൾപ്പടെ ഉള്ളവർ ഭയപ്പാടോടെ പിൻവാങ്ങുകയായിരുന്നു.
പ്രതിസന്ധി മറികടക്കാന്‍ പ്രവീണ്‍കുമാറിനെ സ്ഥാനാര്‍ഥിയാക്കാന്‍ തീരുമാനിച്ചെങ്കിലും,സ്ഥാനാർത്ഥി പോരെന്നായിരുന്നു അകത്തളങ്ങളിലെ സംസാരം.

എഐസിസി ജനറല്‍ സെക്രട്ടറി മുകുള്‍ വാസ്‌നി മുല്ലപ്പള്ളിയെ അനുനയിപ്പിക്കാന്‍ ശ്രെമിച്ചതും പരാജയപ്പെടുകയായിരുന്നു.കരുത്തനായ സ്ഥാനാര്‍ഥി വേണമെന്ന് കോണ്‍ഗ്രസ് ആര്‍എംപിയും ലീഗും പരസ്യമായി ആവശ്യപ്പെടുന്ന സ്ഥിതിവിശേഷവും ഉണ്ടായി. ഇതിനിടെയാണ് ഉമ്മന്‍ ചാണ്ടി മുല്ലപ്പള്ളിയെ ബന്ധപ്പെട്ട്, വടകരയില്‍ കെ. മുരളീധരന്‍ മത്സരിക്കാന്‍ തയാറാണെന്ന വിവരം അറിയിക്കുന്നത്.

Advertisements

തെരെഞ്ഞെടുപ്പിൽ അനധികൃതമായി പണത്തിന്റെയും, മദ്യത്തിന്റെയും ഉപയോഗം തടയാൻ കർശന നിർദ്ദേശം

തിരുവനന്തപുരം: തിരഞ്ഞെടുപ്പില്‍ വോട്ടര്‍മാരെ സ്വാധീനിക്കുന്നതിന് അനധികൃതമായി പണവും മദ്യമുള്‍പ്പെടെയുള്ള വസ്തുക്കളും ഉപയോഗിക്കുന്നുണ്ടോയെന്ന് പരിശോധിക്കാന്‍ വിവിധ വകുപ്പുകളിലെ ഉദ്യോഗസ്ഥരടങ്ങിയ സംയുക്ത സംഘം പരിശോധന നടത്തുമെന്ന് മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണ
വ്യക്തമാക്കി .
രേഖയില്ലാതെ സൂക്ഷിക്കുന്ന പത്ത് ലക്ഷം രൂപയ്ക്ക് മുകളിലുള്ള പണവും മറ്റു വസ്തുക്കളും ആദായനികുതി വകുപ്പ് പിടിച്ചെടുക്കും. ഇതിനായി ആദായനികുതി വകുപ്പിന്റെ ക്വിക് റെസ്പോണ്‍സ് ടീം എല്ലാ മണ്ഡലങ്ങളിലും പ്രവര്‍ത്തിക്കും. ജില്ലകളിലെ ഫ്ളയിംഗ് സ്‌ക്വാഡും ജില്ലാ നിരീക്ഷണ സംഘങ്ങളുമായി സഹകരിച്ചാവും പ്രവര്‍ത്തിക്കുക. ആദായ നികുതി വകുപ്പിന്റെ കണ്‍ട്രോള്‍ റൂമില്‍ ജനങ്ങള്‍ക്ക് പരാതി അറിയിക്കാം. 1800 425 3173 ആണ് ടോള്‍ഫ്രീ നമ്പര്‍.

പോലീസ്, ആദായനികുതി, എക്സൈസ്, വനം, ജി. എസ്. ടി വകുപ്പ് ഉദ്യോഗസ്ഥരാണ് പരിശോധന നടത്തുക. വിദേശത്ത് നിന്ന് പണം എത്തുന്നത് പരിശോധിക്കുന്നതിന് വിമാനത്താവളങ്ങളില്‍ കസ്റ്റംസ്, സി. ഐ. എസ്. എഫ് ഉദ്യോഗസ്ഥര്‍ പരിശോധന നടത്തും. വിവിധ വകുപ്പുകളുടെ ചെക്ക്പോസ്റ്റുകളില്‍ പരിശോധന കര്‍ശനമാക്കും. മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണയുടെ അധ്യക്ഷതയില്‍ നടന്ന വിവിധ വകുപ്പുതല ഉദ്യോഗസ്ഥരുടെ യോഗത്തിലാണ് തീരുമാനം.തിരഞ്ഞെടുപ്പ് സുതാര്യവും സ്വതന്ത്രവുമായി നടത്തുന്നതിന് വേണ്ട നടപടി ഉദ്യോഗസ്ഥരുടെ ഭാഗത്ത് നിന്നുണ്ടാവണമെന്ന് മുഖ്യ തിരഞ്ഞെടുപ്പ് ഓഫീസര്‍ പറഞ്ഞു. നിഷ്പക്ഷത പാലിക്കാത്ത ഉദ്യോഗസ്ഥര്‍ക്കെതിരെ നടപടി സ്വീകരിക്കും. സഹകരണ ബാങ്കുകള്‍, സംഘങ്ങള്‍ എന്നിവ മുഖേനയുള്ള വലിയ തുകയുടെ ഇടപാടുകള്‍ നിരീക്ഷിക്കാനും നിർദ്ദേശം നല്‍കിയിട്ടുണ്ട്.

ഗ്രൂപ്പ് പോരിൽ ഏറ്റവും ഒടുവിൽ ഉമ്മൻചാണ്ടി തന്നെ വിജയിച്ചു, വയനാട്ടിൽ ടി.സിദ്ദിഖ് തന്നെ,


ന്യൂഡൽഹി: ഗ്രൂപ്പ് പോരിൽ ഏറ്റവും ഒടുവിൽ ഉമ്മൻചാണ്ടി തന്നെ വിജയിച്ചു. വയനാട്ടിൽ ടി.സിദ്ദിഖ് തന്നെ കോൺഗ്രസ് സ്ഥാനാർത്ഥി. ആലപ്പുഴയിൽ ഷാനിമോളേയും ആറ്റിങ്ങലിൽ അടൂർ പ്രകാശിനെയും സ്ഥാനാർത്ഥിയാക്കാനാണ് ഡല്‍ഹി ചർച്ചയിൽ തീരുമാനിച്ചത്. വടകരയുടെ കാര്യത്തിനു ഇനിയും തീരുമാനമായിട്ടില്ല. പ്രഖ്യാപനം ഉടൻ ഉണ്ടാകുമെന്നാണ് കെ പി സി സി അധ്യക്ഷൻ പറഞ്ഞത്.സിദ്ദിഖിനായി ഉമ്മൻചാണ്ടി കടുംപിടിത്തം തന്നെ നടത്തി. രമേഷ് ചെന്നിത്തലയും മുല്ലപ്പള്ളി രാമചന്ദ്രനും ഒടുവിൽ വഴങ്ങി. തന്റെ നിലപാട് അറിയിച്ച ശേക്ഷം രമേഷ് ചെന്നിത്തല കേരളത്തിലേക്ക് മടങ്ങിയതിനു പിറകെയാണ് തീരുമാനമായത്. വയനാട്ടിൽ സിദ്ദിഖ് എന്ന തീരുമാനം വന്നതോടെ ആലപ്പുഴയുടേയും ആറ്റിങ്ങലിന്റെയും കാര്യം പെട്ടെന്ന് തീരുമാനിക്കുകയായിരുന്നു. ആറ്റിങ്ങലിൽ അടൂർപ്രകാശും ആലപ്പുഴയിൽ ഷാനിമോൾ ഉസ്മാനും മത്സരിക്കും. .

തോറ്റാൽ രാജ്യസഭ സീറ്റെന്ന ഉറപ്പിന്മേൽ തുഷാർ വെള്ളാപ്പള്ളി തൃശൂരിൽനിന്നും ലോക്സഭയിലേക്ക് മത്സരിക്കുന്നു.


ന്യൂഡൽഹി:ലോകസഭയിലേക്കുള്ള മത്സരത്തിൽ പരാജയപ്പെട്ടാൽ വാഗ്ദാനം ചെയ്തിരുന്ന രാജ്യസഭ സീറ്റ് ലഭിക്കുമെന്ന ഉറപ്പിന്മേൽ ബിഡിജെഎസ് അധ്യക്ഷൻ തുഷാർ വെള്ളാപ്പള്ളി തൃശൂരിൽനിന്നും ലോക്സഭയിലേക്ക് മത്സരിക്കും. തൃശൂർ അടക്കം അഞ്ച് മണ്ഡലങ്ങളിലാണ് ബിഡിജെഎസ് മത്സരിക്കുന്നത് . എസ്എൻഡിപി ഭാരവാഹിത്വം രാജിവെയ്ക്കാതെ തന്നെ മത്സരരംഗത്തിറങ്ങാനാണ് തുഷാർ നോക്കുന്നത്. തോറ്റാൽ രാജ്യസഭ സീറ്റെന്ന വാഗ്ദാനത്തെ തുടർന്നാണ് തുഷാർ മത്സരിക്കാൻ തയ്യാറായതുതന്നെ.

അമിത് ഷായുമായി നടന്ന കൂടിക്കാഴ്ചയിലാണ് തോറ്റാൽ രാജ്യസഭ സീറ്റെന്ന ഉറപ്പ് തുഷാറിന് ലഭിച്ചത്.എട്ടു സീറ്റ് ആവശ്യപ്പെട്ട ബിഡിജെഎസിന് അഞ്ചു സീറ്റുകളാണ് നൽകിയത് . തൃശൂരിന് പുറമെ വയനാട്, ആലത്തൂർ, മാവേലിക്കര, ഇടുക്കി എന്നീ സീറ്റുകളിലാണ് ബിഡിജെഎസിന് മത്സരിക്കുന്നത്.
തൃശൂരിൽ തുഷാർ വെള്ളാപ്പള്ലളി തന്നെ മത്സരിക്കും. ആലത്തൂരിൽ കെ.പി.എം.എസ് നേതാവ് ടി.വി. ബാബുവും മാവേലിക്കരയിൽ തഴവ സഹദേവനും മത്സരിക്കും. ഇടുക്കിയിൽ ബിജു കൃഷ്ണനേയും വയനാട്ടിൽ ആന്റോ അഗസ്റ്റിനെയുമാണ് ബിഡിജെഎസ് മത്സര രംഗത്ത് ഇറക്കുന്നത്.

മുസ്‌ലീം ലീഗിന് ജയിക്കാന്‍ തീവ്രവാദികളുടെ വോട്ട് വേണ്ടെന്നു മുനീർ,

തിരുവനന്തപുരം: ലോക്‌സഭാ തെരഞ്ഞെടുപ്പില്‍ മുസ്‌ലീം ലീഗിന് ജയിക്കാന്‍ തീവ്രവാദികളുടെ വോട്ട്വേണ്ടെന്നും,എസ്.ഡി.പി.ഐയുടെ സഹായത്തില്‍ ജയിക്കുന്നതിനേക്കാള്‍ നല്ലത് പാര്‍ട്ടി പിരിച്ചുവിടുന്നതാണെന്നും എം കെ മുനീര്‍.

മുസ്‌ലീം ലീഗും എസ്.ഡി.പി.ഐയും തമ്മില്‍ കൊണ്ടോട്ടിയിലെ കെ.ടി.ഡി.സി ഹോട്ടലില്‍വെച്ച് ചര്‍ച്ച നടത്തിയത് വിവാദമായ സാഹചര്യത്തിലാണ് മുനീറിങ്ങനെ പറഞ്ഞത്.
എസ്.ഡി.പി.ഐയുടെ വോട്ട് വേണ്ടെന്ന് വെക്കാന്‍ ലീഗ് തയ്യാറാവുമോയെന്ന് സി.പി.ഐ.എം ചോദിക്കുമ്പോൾ, അത്തരം കടുത്ത നിലപാടിലേക്ക് പോകാന്‍ ഇ.ടി മുഹമ്മദ് ബഷീറോ കുഞ്ഞാലിക്കുട്ടിയോ തയ്യാറാകാത്ത സാഹചര്യത്തിലാണ് എസ്.ഡി.ഐ.യുടെ വോട്ട് വേണ്ടെന്ന നിലപാടുമായി മുനീര്‍ പ്രതികരിച്ചിരിക്കുന്നത്.മുസ്‌ലീം ലീഗ് സ്ഥാനാര്‍ത്ഥികളായ പി.കെ കുഞ്ഞാലിക്കുട്ടിയും ഇ.ടി മുഹമ്മദ് ബഷീറുമായിരുന്നു എസ്.ഡി.പി.ഐ നേതാക്കളുമായി കഴിഞ്ഞ ദിവസം കൂടിക്കാഴ്ച നടത്തിയത്.

എസ്.ഡി.പി.ഐ നേതാക്കളായ നസറുദ്ദീന്‍ എളമരം, അബ്ദുള്‍ മജീദ് ഫൈസി എന്നിവരും ചര്‍ച്ചയില്‍ പങ്കെടുത്തിരുന്നു. അതേസമയം, രാഷ്ട്രീയ ചര്‍ച്ച നടന്നെന്ന വാര്‍ത്തകള്‍ ലീഗ് തള്ളിയിരുന്നു. എസ്.ഡി.പി.ഐയുമായി ഒരു ബന്ധവുമില്ലെന്നും ചര്‍ച്ച നടത്തിയിട്ടില്ലെന്നുമായിരുന്നു ലീഗിന്റെ വിശദീകരണം. അതേസമയം ചര്‍ച്ച എസ്.ഡി.പി.ഐ സ്ഥിരീകരിക്കുകയുണ്ടായി.
പറപ്പൂര് പഞ്ചായത്തില്‍ എസ്.ഡി.പി.ഐ ബന്ധം ഉപേക്ഷിക്കാന്‍ സി.പി.ഐ.എം തയ്യാറാകുമോയെന്നും മുനീര്‍ ചോദിച്ചിട്ടുണ്ട്. കണ്ണൂരില്‍ സി.പി.ഐ.എമ്മിന്റെ അക്രമത്തെ പ്രതിരോധിക്കാൻ സുധാകരന്‍ അവിടെ ജയിക്കണമെന്നും മുനീര്‍ പറഞ്ഞു.

വിദ്യാർത്ഥികളെ വെയിലത്ത് നിർത്തിയ ബസിന്റെ പെർമിറ്റ് റദ്ചെയ്തു.

ഒറ്റപ്പാലം: വിദ്യാർത്‌ഥികളെ വെയിലത്തുനിർത്തി കഷ്ട്ടപെടുത്തിയ ബസിന്റെ പെർമിറ്റ് റദ്‌ചെയ്‌തു. ഒറ്റപ്പാലത്താണ് സംഭവം.കുട്ടികള്‍ ബസ് പുറപ്പെടുമ്പോള്‍ മാത്രം കയറിയാല്‍ മതിയെന്ന് പറഞ്ഞു വിദ്യാർത്ഥികളെ വെയിലത്ത് നിർത്തി കഷ്ട്ടപ്പെടുത്തിയ ബസ് കസ്റ്റഡിയിലെടുത്തു, പെർമിറ്റ് കാൻസൽ ചെയ്തു, ഡ്രൈവറുടെയും കണ്ടക്ട്റുടേയും ലൈസൻസും റദ്ദാക്കി.
ബസ് സ്റ്റാന്‍ഡില്‍ നില്‍ക്കുകയായിരുന്ന ഒരു യുവാവ് സോഷ്യല്‍ മീഡിയ വഴി സംഭവം അധികൃതരെ അറിയിക്കുക യായിരുന്നു.എല്ലാസ്വകാര്യ ബസ് ഉടമകൾക്കും ഇതൊരു പാഠമാവട്ടെ.
വിദ്യാർത്ഥികൾ, ഇനി ബസ് ജീവനക്കാരുടെ അനുവാദത്തിനായി ഡോറിനുമുന്നിൽ കാത്തുനിൽക്കേണ്ട കാര്യമില്ല. മറ്റു യാത്രക്കാരെ പോലെ ബസ്സിൽ കയറി സീറ്റ് ഉണ്ടെങ്കിൽ ഇരിക്കണം. വിദ്യാർത്ഥികളുടെ ബസ്സ്‌ യാത്ര, ബസ്സ്‌ ജീവനക്കാരുടെ സൗജന്യമോ, ഔദാര്യമോ അല്ല വിദ്യാർത്ഥികളുടെ അവകാശമാണ്. നിയമം പാലിക്കാനുള്ളതാണ് ഇല്ലെങ്കിൽ പരാതിപ്പെടാൻ

സെക്രട്ടറി കേരള സ്റ്റേറ്റ് കംമീഷൻ ഫോർ പ്രൊട്ടക്ഷൻ ഓഫ് ചൈൽഡ് റൈറ്റ്സ് വൻറോസ് ജംഗ്ഷൻ തിരുവനന്തപുരം -695034ബസ്സിന്റെ നമ്പർ, പേര്, സമയം എന്നിവ വച്ച് പരാതി പെടണം.
0471-2326603 ആണ് ഫോൺ നമ്പർ.

ജിയോളജി വകുപ്പിനെ തെറ്റിദ്ധരിപ്പിച്ച് വാങ്ങിയ ഒരു പെർമിറ്റിന്റെ മറവിൽ, പിറവന്തൂരിൽ അനധികൃത കരിങ്കൽ ഖനനം,

ഇത് മലയിലെ വൻപാറ, ഉരുളൻ പാറകൾ ഉരുണ്ടല്ലേ ഇരിക്കേണ്ടത്

കൊല്ലം: നിയമങ്ങൾ കാറ്റിൽ പറത്തി പത്തനാപുരത്തിനടുത്ത് പിറവന്തൂരിൽ അനധികൃത കരിങ്കൽ ഖനനം.
ജിയോളജി വകുപ്പിനെ തെറ്റിദ്ധരിപ്പിച്ച് വാങ്ങിയ ഒരു പെർമിറ്റിന്റെ അടിസ്ഥാനത്തിലാണ് പിറവന്തൂരിൽ അനധികൃത ഖനനം നടക്കുന്നത്. പിറവന്തൂർ വില്ലേജിൽ വീട് വെക്കുന്നതിന് മണ്ണ് മാറ്റുന്നതിനായി മഞ്ഞള്ളൂർ സ്വദേശിയായ ജി പ്രകാശ് എന്നയാൾ വാങ്ങിയ പെർമിറ്റിന്റെ മറവിലാണ് അനധികൃത കരിങ്കൽ ഖനനം
നടക്കുന്നത്.ഇതിനു വില്ലേജ് താലൂക്ക് റവന്യു ഉദ്യോഗസ്ഥരുടെ ഒത്താശയുണ്ടെന്നും, നാട്ടുകാരുടെ പരാതികൾക്ക് പുല്ലുവിലയാണ് കൽപിക്കുന്നതെന്ന, ആക്ഷേപവുമുണ്ട്. വാസവ നിലയത്തിൽ വാസവപ്പണിക്കരുടെ കൈവശം നിന്ന് പ്രകാശ് വാങ്ങിയ 30 സെൻറ് ഭൂമിയിൽ വീട് വെക്കണമെന്ന് ആവശ്യപ്പെട്ടാണ് മണ്ണ് നീക്കം ചെയ്യുന്നതിനായി കൊല്ലം ആശ്രാമത്തുള്ള ജിയോളജി വകുപ്പിന്റെ ഓഫീസിൽ അപേക്ഷ നൽകിയിരുന്നത്. മണ്ണ് നീക്കം ചെയ്തു വില്പന നടത്തുന്നതിനിടയിൽ,ഒരു കുന്നിൻറെ ഭാഗമായ ഈ സ്‌ഥലത്തുഉരുളൻ പാറകളുണ്ടെന്നും, അത് നീക്കം ചെയ്യാൻ അനുമതിനൽകണമെന്നും ആവശ്യപ്പെട്ട് വീണ്ടും അപേക്ഷ നൽകുകയായിരുന്നു.കുന്നിനു മേൽ നിരപ്പിനു താഴെ ഉണ്ടായിരുന്നത് വലിയ ഒറ്റ പാറ ആയിരുന്നിട്ടും, ഉരുളൻ പാറകൾ നീക്കം ചെയ്യാനെന്ന പേരിൽ, തെറ്റായ വിവരം രേഖപ്പെടുത്തി ജിയോളജി വകുപ്പിൽ നിന്നും അനധികൃതമായി പെർമിറ്റ് വാങ്ങുകയായിരുന്നു. ഇക്കാര്യത്തിൽ സ്ഥലപരിശോധന മണ്ണ് മാറ്റുമ്പോൾ ജിയോളജി വകുപ്പ് നടത്തിയിരുന്നെങ്കിലും,
മണ്ണിനു താഴെ പാറയാണെന്ന കാര്യം ജോയോജിസ്റ്റിന് മനസ്സിലായില്ലെന്നാണ് ഇപ്പോഴുള്ള വിശദീകരണം.

ഓട്ടപ്പാറയുടെ ദൃശ്യം

ഇതുസംബന്ധിച്ച് പാറ പൊട്ടിക്കലിൽ വീടിന്റെ ചുവരുകൾ വിള്ളൽ വന്നവരുൾപ്പടെ ഉള്ള കുടുംബങ്ങൾ ആർ ഡി ഒ ക്കും, ജില്ലാ കളക്ടർക്കും ഫെബ്രുവരി 20 നു പരാതി നൽകിയിരുന്നതാണ്.

സമീപ വാസികളായ വിജയമ്മ കോമളൻ,എൻ സുന്ദരൻ,ലീനി അശോകൻ, അജി നടരാജൻ,വി സി പൊടിയൻ, സീന വിജയൻ,പൊന്നമ്മ ശ്യാമള തുടങ്ങിയവരാണ് ഇതുസംബന്ധിച്ച് പരാതി നൽകിയിരുന്നത്.

ആർ ഡി ഒ യുടെ നിർദേശപ്രകാരം താലൂക്ക് റവന്യു ഉദ്യോഗസ്ഥർ സ്ഥലം പരിശോധിച്ചെങ്കിലും,ഉരുളൻ പാറ പൊട്ടിക്കാനുള്ള തെറ്റായ പെർമിറ്റിന്റെ പേരിൽ നടക്കുന്ന പാറപൊട്ടിക്കൽ തടയാൻ തയ്യാറായില്ല.ജിയോളജി വകുപ്പിന്റെ അനാസ്ഥയും കൃത്യമായ സ്ഥല പരിശോധന നടത്താതെ മറ്റെന്തോ കാരണത്താൽ കൊടുത്ത പെർമിറ്റിന്റെ പേരിൽ സമീപ വാസികളാണ് കഷ്ടത്തിലായത്.വീടുകളുടെ ചുവരുകൾ വിണ്ടു കീറിയവർ പോലും
പണത്തിന്റെയും, രാഷ്‌ട്രീയത്തിന്റെയും സ്വാധീനത്തിൽ നടക്കുന്ന അനധികൃത ഖനനം മുന്നിൽ നടക്കുമ്പോൾ പകച്ചു നിൽക്കുകയാണ്.
ഉരുളൻ പാറ വീടുപണികൾക്കായി നീക്കം ചെയ്യാൻ ജിയോളജി വകുപ്പിന് പെര്മിറ്റി നൽകാൻ അധികാരമുണ്ട്. എന്നാൽ കുന്നുകളിലെയും, മലകളിലെയും വൻ ഒറ്റ പാറകൾ വീടുപണിക്കല്ല, എന്തു കെട്ടിടനിർമ്മാണത്തിനായി നീക്കം ചെയ്യാനും പെർമിറ്റ് കൊടുക്കാൻ ജിയോളജി വകുപ്പിന് അധികാരമില്ല.
ഏതര്ഥത്തില് തങ്ങൾക്കുള്ള അധികാരം ചില ഉദ്യോഗസ്ഥന്മാർ, പ്രത്യേകിച്ച് ജോയോളോജിസ്റ്റ് ദുരുപയോഗം ചെയ്യുകയാണ് ഇക്കാര്യത്തിൽ നടന്നിരിന്നുന്നത്. പാരിസ്ഥിതിക പ്രശ്നങ്ങൾ ഉണ്ടാക്കുന്ന ഇത്തരം കരിങ്കൽ ഖനനം അനുവദിച്ചാൽ, പത്തനാപുരം, കോന്നി ഉൾപ്പടെയുള്ള മേഖലയിലെ കുന്നുകളും, മലകളും, വീടുപണിയുടെ പേരുപറഞ്ഞുകയ്യൂക്കുള്ളവർ കാശാക്കും.


അനധിക്കൃത പെർമിറ്റിൽ പണി തകൃതി
ഒറ്റപ്പാറയുടെ ദൃശ്യം
അനധികൃത ഖനനത്തിൽ വിണ്ടുകീറിയ തൊട്ടടുത്ത വീടിന്റെ ചുമർ.
« Older Entries