പാർവതി തെരുവോത്ത്
സംവിധാന നിർമ്മാണ രംഗത്തേക്ക്

അഭിനയത്തിന് പുറമെ സിനിമാസംവിധാന നിര്‍മാണരംഗങ്ങളിലേക്ക് ചുവടുറപ്പിക്കാനുള്ള തീരുമാനത്തിലാണ് പാർവതി തെരുവോത്ത്. സിനിമയിൽ അവസരം കിട്ടിയില്ലെങ്കിൽ താനത് സൃഷ്‌ടിക്കുമെന്ന് നടി പാർവതി തിരുവോത്ത് പറയുന്നു.
സിനിമയും കലയുമൊന്നും, ആരുടെയും സ്വകാര്യസ്വത്തല്ല. ആരെങ്കിലും അങ്ങനെ ചിന്തിക്കുന്നതു തന്നെ വിഡ്ഡിത്തമാണ്. ആസിഡ് ആക്രമണത്തിന് ഇരയായ പെണ്‍കുട്ടിയുടെ കഥ പറയുന്ന ഉയരെ എന്ന ചിത്രത്തെക്കുറിച്ച് സംസാരിക്കവെയാണ് ഒരു ഓൺലൈൻ പത്രത്തോട് സംസാരിക്കുകയായിരുന്നു അവർ.
അവസരങ്ങള്‍ നഷ്ടപ്പെടുത്താന്‍നടന്ന സംഘടിതശ്രമങ്ങളുടെ തകര്‍ച്ച കാണേണ്ടിവരുമെന്നും പാർവതി തുറന്നു പറഞ്ഞു.

ആസിഡ് ആക്രമണത്തിന് ഇരയായ പെൺകുട്ടിയുടെ കഥപറയുന്ന ചിത്രമാണ് ഉയരെ.13 വർഷങ്ങൾക്കുശേഷം ഗൃഹലക്ഷ്മി പ്രൊഡക്ഷൻസ് മറ്റൊരുതരത്തിൽ നിർമാണ രംഗത്തേക്ക് തിരിച്ചെത്തുന്നുവെന്നതാണ് സിനിമയുടെ പ്രത്യേകത കൂടി സിനിമക്കുണ്ട്. നവാഗതനായ മനു അശോകാണ് സംവിധായകന്‍. ബോബി-സഞ്ജയ്‌ കൂട്ടുകെട്ടിന്റേതാണ് തിരക്കഥ. എസ് ക്യൂബ് എന്ന പേരില്‍ പി വി ഗംഗാധരന്റെ പെണ്‍മക്കള്‍ ഷെനുഗയും ഷെഗ്നയും ഷെര്‍ഗയും ചേര്‍ന്നാണ് പുതിയ തുടക്കത്തിന് ചുക്കാന്‍ പിടിക്കുന്നത്.

വാണിയപുരത്തെ
കഥപറയുന്ന വിശുദ്ധപുസ്തകം

കഥയുടെ പ്രമേയം കൊണ്ട് ഏറെ പുതുമകൾ അവകാശപ്പെടാവുന്ന ചിത്രമാണ് വിശുദ്ധപുസ്തകം. വാണിയപുരം ഗ്രാമത്തെ ആസ്പദമാക്കി ചിത്രീകരിച്ചിരിക്കുന്ന വിശുദ്ധപുസ്തകം, രാജ്യ സ്നേഹിയായ ഒരു ചെറുപ്പക്കാരൻ തന്റെ ജീവിതത്തിൽ അനുഭവിക്കുന്ന കഷ്ട്ട നഷ്ടങ്ങളുടെ കഥയാണ് പറയുന്നത്. അവന്റെ കുടുംബം പേറുന്ന വേദനയുടെ കഥ.

ശിവപാർവതി ഫിലിംസിന്റെ ബാനറിൽ ഷാബു ഉസ്മാൻ കഥയും തിരക്കഥയുമെഴുതി സംവിധാനം ചെയ്തിരിക്കുന്ന ചിത്രം രാജേഷ് കളിയിക്കൽ, പ്രവാസി മലയാളി പ്രണവം ഉണ്ണികൃഷ്ണൻ,കലഞ്ഞൂർ ശശികുമാർ എന്നിവർ സംയുക്തമായാണ് നിർമ്മിച്ചിരിക്കുന്നത്. ചെറുപ്പകാലം മുതൽ കലയെ സ്നേഹിച്ചിരുന്ന ഷാബു ഉസ്മാൻറെ കന്നിചിത്രമാണിത്.

പപ്പയുടെ സ്വന്തം അപ്പൂസിലൂടെ ബാലതാരമായി മലയാള സിനിമയിലെത്തിയ ബാദുഷയാണ് ചിത്രത്തിൽ നായകനായി അഭിനയിക്കുന്നത്. നജീബ് എന്ന കഥാപാത്രം വഴി ബാദുഷ തന്റെ രണ്ടാം വരവ് എന്തുകൊണ്ടും സമ്പുഷ്ടമാക്കിയിട്ടുണ്ട്. പുതുമുഖം ആലിയയാണ് നായികവേഷത്തിൽ അഭിനയിച്ചിരിക്കുന്നത്.
മധു, മനോജ് കെ ജയൻ,മാമുക്കോയ,ജനാർദ്ദനൻ,ഭീമൻ രഘു,കലാഭവൻ നവാസ്,പത്മരാജൻ രതീഷ്,ശാന്ത കുമാരി എന്നിവർക്കൊപ്പം പുതുമുഖങ്ങളായ ശ്രീരമ്യ, അനു, സ്‌മിനു, എന്നിവരും ചിത്രത്തിൽ അഭിനയിച്ചിരിക്കുന്നു.

എസ് രമേശൻ നായർ, പൂവച്ചൽ ഖാദർ,ഫെമിന ബീഗം എന്നിവർ എഴുതിയ ഗാനങ്ങൾ സുമേഷ് കൂട്ടിക്കലാണ് ഈണം പകർന്നിരിക്കുന്നത്. ഫെമിന ബീഗം എഴുതിയ,മനമുരുകും നേരം എന്ന ഗാനം ഇതിനകം സോഷ്യൽ മീഡിയയിൽ ജനപ്രിയമായിക്കഴിഞ്ഞിട്ടുണ്ട്.

ഷാബു ഉസ്മാനും,
വിശുദ്ധ പുസ്തകവും,

സ്കൂൾ വിദ്യാഭ്യാസ കാലം മുതൽ സ്വന്തമായി ഏകാംഗ നാടകങ്ങൾ എഴുതി അവതരിപ്പിച്ചുകൊണ്ടായിരുന്നു ഷാബു ഉസ്മാൻറെ കലാജീവിതത്തിന് തുടക്കം.വിദ്യാഭ്യാസത്തിനു ശേഷം മിമിക്രി പരിപാടികളിൽ സജീവമായി. പത്തനംതിട്ട കേന്ദ്രീകരിച്ച് ഷാബു ഉസ്മാൻ ആരംഭിച്ച സ്റ്റേജ് വിഷൻ ഏറെ ജനശ്രദ്ധ പിടിച്ചുപറ്റിയിരുന്നു. ജേഷ്ടന്റെ മകൻ സ്കൂളിൽ അവതരിപ്പിക്കാൻ ഒരു മോണോആക്ട് തയ്യാറാക്കി വേണമെന്ന് സമീപിക്കുന്ന അവസരത്തിൽ അതിനായി രൂപം നൽകിയ ആശയം, ഷാബു കഥയായി എഴുതുകയായിരുന്നു. ആ കഥയാണ് പ്രവാസി ജീവിതം മതിയാക്കി വന്ന ശേഷം തിരക്കഥയാക്കുന്നത്.

നന്മ നിറഞ്ഞ വാണിയാപുരം ഗ്രാമത്തിന്റേതാണ് ആ കഥ.
വാണിയപുറം ഗ്രാമത്തിലെ മദ്രസ്സ അധ്യാപകനായ ഹനീഫയുടെ മകനായ നജീബ് മൂന്നു സഹോദരിമാരുടെ കുഞ്ഞാങ്ങളയാണ്. സൗഹൃദത്തിന് ഏറെ വില നൽകിയിരുന്ന നജീബ് ഇലക്ട്രോണിക്സ് സാധനങ്ങൾ റിപ്പയർ ചെയ്യുന്നതിനൊപ്പം പുത്തൻ കണ്ടുപിടുത്തങ്ങളും നടത്തിയിരുന്നു.വാണിയാപുരത്തെ ക്ഷേത്രോത്സവം ജാതി മത ഭേദമന്യേ ഏവരും ചേർന്നാണ് ആഘോഷിച്ചിരുന്നത്. ആഘോഷങ്ങൾക്കിടെ അവിടേക്കു വരുന്ന അമീർ, നജീബുമായി പരിചയത്തിലാവുകയും തുടർന്നവർ ഉറ്റമിത്രങ്ങളായും മാറുന്നു. നജീബിന്റെ കുടുംബത്തിന്റെ കഷ്ടപ്പാടുകളും സുഖമില്ലാത്ത സഹോദരിയുടെ അവസ്ഥയും കണ്ട് അമീർ നജീബിനെ സഹായിക്കാനൊരുങ്ങുകയാണ്. തുടർന്നിരുവരും ഒരു യാത്ര പോകുന്നു. പിന്നീട് നടക്കുന്ന കഥ സംഭവ ബഹുലമാണ്.കോന്നിയിലും പരിസര പ്രദേശങ്ങളിലുമായിട്ടാണ് ചിത്രത്തിൻറെ ചിത്രീകരണം നടന്നത്. പോസ്റ്റ് പ്രൊഡക്ഷൻ വർക്കുകൾ പുരോഗമിച്ചുവരുന്ന ചിത്രം അടുത്തുതന്നെ തീയേറ്ററുകളിലെത്തും.

മോഹന്‍ലാല്‍ സൂര്യ ചിത്രം കാപ്പാന്റെ ടീസറിന് 27 ലക്ഷം കാഴ്ച്ചക്കാർ, ട്രെന്‍ഡിംഗിൽ രണ്ടാമത്,

ചെന്നൈ : ഒരു ഇടവേളക്കു ശേഷം മോഹന്‍ലാല്‍ തമിഴില്‍ മടങ്ങിയെത്തുന്ന സൂര്യ ചിത്രം കാപ്പാന്റെ ടീസര്‍ തമിഴ് പുതുവത്സര ദിനത്തില്‍ പുറത്തിറങ്ങി.കെ.വി ആനന്ദിന്റെ സംവിധാനത്തിലെത്തുന്ന തമിഴ് ആക്ഷന്‍ ത്രില്ലര്‍ ചിത്രമാണ് കാപ്പാൻറെ ടീസറിന് പ്രേക്ഷകരിൽ നിന്ന് മികച്ച സ്വീകരണമാണ് ലഭിച്ചു കൊണ്ടിരിക്കുന്നത്. ടീസര്‍ പുറത്തിറങ്ങി 15 മണിക്കൂറിനുള്ളിൽ 27 ലക്ഷത്തിന് മേല്‍ കാഴ്ച്ചക്കാരാനു ഉണ്ടായത്. ട്രെന്‍ഡിംഗിൽ രണ്ടാം സ്ഥാനവും.

ചിത്രത്തില്‍ പ്രധാനമന്ത്രിയുടെ വേഷമാണ് മോഹന്‍ലാലിന്. അംഗരക്ഷകനായിട്ടാണ് സൂര്യഅഭിനയിക്കുന്നത്. ഒരു മിനിറ്റ് 30 സെക്കന്റ് ദൈര്‍ഘ്യമുള്ള ടീസറില്‍ പല ഗെറ്റപ്പുകളില്‍ സൂര്യതിളങ്ങുന്നുണ്ട്. ആര്യക്കും ചിത്രത്തിൽ പ്രധാന വേഷമുണ്ട്.പ്രമുഖ നിര്‍മ്മാണ കമ്പനിയായ ലൈക്ക പ്രൊഡക്ഷന്‍സാണ് ചിത്രം നിര്‍മ്മിക്കുന്നത്. സയേഷ സൈഗാളാണ് നായിക. സമുദ്രക്കനി, പ്രേം, ശങ്കര്‍ കൃഷ്ണമൂര്‍ത്തി,ബോമാന്‍ ഇറാനി, എന്നിവരാമറ്റ് അഭിനേതാക്കൾ.

ലണ്ടന്‍, ന്യൂയോര്‍ക്ക്, ബ്രസീല്‍, ചെന്നൈ, ഡല്‍ഹി, കുളുമണാലി, എന്നിവിടങ്ങളില്‍ നിന്നായി ചിത്രീകരണം പൂര്‍ത്തിയാക്കിയ സിനിമയുടെ പോസ്റ്റ് പ്രൊഡക്ഷന്‍ വര്‍ക്കുകൾ നടക്കുകയാണ്. ആഗസ്റ്റ്15 ന് സ്വാതന്ത്ര്യ ദിനത്തില്‍ ചിത്രം തിയേറ്ററുകളിലെത്തിക്കാനാണ് ഉദ്ദേശിക്കുന്നത്.

‘കുമ്പളങ്ങി നൈറ്റ്‌സ് ‘
തകർത്തു,

അടുത്തകാലത്ത് ഏറ്റവുമധികം പ്രേക്ഷകശ്രദ്ധ ലഭിച്ച മലയാളസിനിമകളിലൊന്നാണ് ‘കുമ്പളങ്ങി നൈറ്റ്‌സ്’. നവാഗത സംവിധായകനായ മധു സി നാരായണന്‍ ഊടും, പാവും നൽകിയ ചിത്രത്തിന് ശ്യാംപുഷ്‌കരനാണ് തിരക്കഥ എഴുതിയിട്ടുള്ളത്. ചിത്രത്തിന്റെ മേക്കിംഗ് വീഡിയോ ഇപ്പോള്‍ അണിയറക്കാര്‍ പുറത്തുവിട്ടു.നാലര മിനിറ്റ് ദൈര്‍ഘ്യമുള്ള വീഡിയോയില്‍ ചിത്രത്തിലെ പ്രധാന രംഗങ്ങൾ കോർത്തിണക്കിയിരിക്കുന്നു.

ഫെബ്രുവരി ഏഴിന് തീയേറ്ററുകളിലെത്തിയചിത്രത്തിന് വൻവരവേൽപ്പാണ്‌ മലയാളക്കരയിൽ ലഭിച്ചത്. സോഷ്യല്‍ മീഡിയവഴിയാണ് സിനിമയുടെ പ്രചാരണം മുഖ്യമായും നടന്നത്.ഷെയ്ന്‍ നിഗം, ഫഹദ് ഫാസില്‍,സൗബിന്‍ ഷാഹിര്‍, അന്ന ബെന്‍, റിയ സൈറ തുടങ്ങിയ ചിത്രത്തിലെ അഭിനേതാക്കളെല്ലാം തന്നെ തിളക്കമാർന്ന പ്രകടനമാണ് കാഴ്ച്ച വെച്ചത്‌ .

വൃദ്ധജനങ്ങളെ നട തള്ളുന്ന
സംഭവങ്ങളുമായി സേതുവിൻറെ
‘ജലസമാധി’ പൂർത്തിയായി

കറവ വറ്റുന്നതോടെ കന്നുകാളികളെ പ്പോലെ വൃദ്ധജനങ്ങളെ നട തള്ളുന്ന സംഭവങ്ങള്‍ ഏറുന്ന കേരള മണ്ണിൽ മനസാക്ഷി വറ്റി ജന്മം നൽകിയവരുടെ വിലയറിയാതെ വലിച്ചെറിയുന്ന സംസ്കാരത്തെ ഓർമ്മിപ്പിക്കുന്ന ഒരു ചിത്രം ഒരുങ്ങുന്നു. പ്രശസ്ത എഴുത്തുകാരൻ സേതു കഥയും തിരക്കഥയും എഴുതിയിരിക്കുന്ന ‘ജലസമാധി’ എന്ന ചിത്രം വേണു നായർ സംവിധാനം ചെയ്യുന്നു. മീനക്ഷിപ്പാളയം എന്ന തമിഴ് സംസ്കാരം കൂടുതലുള്ള കേരള-തമിഴ്നാട് അതിര്‍ത്തിയിലെ ഒരു സാങ്കല്പിക ഗ്രാമത്തിലാണ് ചിത്രീകരണം പൂർത്തിയായത്.

മനുഷ്യന്റെ ശരാശരി ആയുസിന്റെ നീളം കൂടി വരുന്ന ഇക്കാലത്ത് രോഗികളും അവശരും കുടുംബത്തിനു വലിയൊരു ഭാരമായി തീരുന്നു, ചികിത്സ ചിലവുകള്‍ താങ്ങാനാകാത്ത നിലയില്‍ കൂടിവരുമ്പോള്‍ ജനത അതിനൊരു എളുപ്പ വഴി കണ്ടെത്തിയിരിക്കുന്നു. ഏക പക്ഷീയമായ ദയാവധം. വീട്ടുകാരും നാട്ടുകാരും ഭരണ സംവിധാനവും എല്ലാം അറിഞ്ഞു നടന്നിരുന്ന ഈ കൊടും ക്രൂരത ഇപ്പോള്‍ പല നിഷിപ്ത താല്പര്യങ്ങള്‍ക്ക് വേണ്ടിയും സംഭവിച്ചുകൊണ്ടേയിരിക്കുന്നു എന്നാണ് ചിത്രം പറയുന്നത്.

പ്രശസ്ത തമിഴ് നടന്‍ എം എസ് ബാസ്കര്‍ പ്രധാന വേഷത്തില്‍ അഭിനയിക്കുന്ന ചിത്രത്തിന്റെ ഷൂട്ടിംഗ് പൂർത്തിയായി. വിഷ്ണുപ്രകാശ്, രഞ്ജിത് നായര്‍, സന്തോഷ്‌ കുറുപ്പ്, വഞ്ചിയൂര്‍ പ്രവീണ്‍ കുമാര്‍ തുടങ്ങിയവരെ കൂടാതെ പുതുമുഖങ്ങളായ ലിഖ രാജന്‍, ശ്യാം കൃഷ്ണന്‍, അഖില്‍ കൈമള്‍, സരിത, വര്‍ഷ തുടങ്ങിയവരും പ്രധാന വേഷങ്ങളില്‍ അഭിനയിക്കുന്നു. വേണു നായര്‍ പ്രൊഡക്ഷന്‍സിന്‍റെ ബാനറില്‍ വേണു നായര്‍ നിര്‍മ്മിച്ച്‌ സംവിധാനം ചെയ്യുന്ന ചിത്രത്തിന് വേണ്ടി പ്രജിത്ത് ആണ് ക്യാമറ കൈകകാര്യം ചെയ്തിരിക്കുന്നത്.

ദുരൂഹതകളുമായി
അതിരൻ വരുന്നു.

ഫഹദ് – സായി പല്ലവി ടീമിന്റെ അതിരന്റെ ടീസർ പുറത്തിറങ്ങി.12 നാണ് ചിത്രം റിലീസ് ചെയ്യുന്നത്. ഓട്ടിസം ബാധിച്ച പെണ്കുട്ടിയായിട്ടാണ് സായി പല്ലവി ചിത്രത്തിൽ അഭിനയിച്ചിരിക്കുന്നത്.വിവേക് കഥയെഴുതി സംവിധാനം നിർവഹിച്ചിരിക്കുന്ന ചിത്രമാണ് അതിരൻ. പി എഫ് മാത്യൂസിന്റെതാണ് തിരക്കഥ. ഒരു നീണ്ട ഇടവേളക്ക്‌ ശേഷം സെഞ്ച്വറി എന്റർടൈൻമെൻറ് നിർമ്മാണ രംഗത്തേക്ക് മടങ്ങിവരുന്ന ചിത്രം കൂടിയാണ് അതിരൻ എന്നത് മറ്റൊരു പ്രത്യേകത കൂടിയാണ്.

ഹിമാലയന്‍ ലൗ സ്റ്റോറി
മില്‍മയുടെ പരസ്യമായിരുന്നു.

സംവിധായകന്‍ ആശിഖ് അബു തന്റെ ഫേസ്ബുക്ക് പേജില്‍ പോസ്റ്റ് ചെയ്ത ഒരു വീഡിയോ കണ്ട് ആളുകള്‍ ആദ്യം കരുതിയത് ആഷിഖിന്റെ പുതിയ സിനിമയുടെ ട്രൈലെർ ആയിരിക്കും അതെന്നാണ്. ഐശ്വര്യ ലക്ഷമിയും ശ്രീനാഥ് ഭാസിയുമെല്ലാം ഉള്ള വീഡിയോക്ക് , ‘ഹിമാലയന്‍ ലൗ സ്റ്റോറി’ എന്ന് ആഷിഖ് പേര് നൽകിയിരുന്നു. സംഭവം യതാർത്ഥത്തിൽ മില്‍മയക്ക് വേണ്ടി ആഷിഖ് സംവിധാനം ചെയ്ത പുതിയ പരസ്യമായിരുന്നു.

മില്‍മ പുറത്തിറക്കുന്ന ഐക്‌സ്‌ക്രീമിനെ കേന്ദ്രീകരിച്ചുള്ള പുതിയ പരസ്യ ചിത്രത്തിൽ ഐശ്വര്യ ലക്ഷമി, ശ്രീനാഥ് ഭാസി,ബേസില്‍ ജോസഫ്, വിശാഖ് നായര്‍, ജാഫര്‍ ഇടുക്കി എന്നിവരാണ് അഭിനയിച്ചിരിക്കുന്നത്. രണദീവ് ആണ് ക്യാമറ. യാക്‌സന്‍ ഗാരി പെരേരയും,നേഹ നായരും ചേര്‍ന്നാണ് സംഗീതം. സോഷ്യല്‍ മീഡിയയില്‍ മികച്ച പ്രതികരണമാണ് പുതിയ പരസ്യചിത്രത്തിന് ലഭിക്കുന്നത്. ചുരുക്കത്തിൽ മിൽമയുടെ പരസ്യം ഹിറ്റായെന്നു പറയാം.

ലൂസിഫറിലെ
‘കടവുളെ പോലെ…’
യൂ ട്യൂബ് ട്രെൻറ്റിൽ

ലൂസിഫറിൽ മോഹൻലാൽ എതിരാളികളെ അടിച്ചു നിരപ്പാക്കുന്ന ആക്ഷൻ രംഗത്തിന് അകമ്പടിയായി വരുന്ന അടിപൊളി ഗാനം ‘കടവുളെ പോലെ…’ ഇക്കഴിഞ്ഞ ദിവസം ലിറിക്കൽ വീഡിയോ ആയി യൂട്യൂബിലെത്തി. യൂട്യൂബിൽ ഗാനം ഇപ്പോൾ ഒന്നാം സ്ഥാനത്ത് ട്രെൻഡിങ് ആണ്. ഏഴു ലക്ഷത്തിലധികം പേർ ഇതിനകം ഗാനം കണ്ടു കഴിഞ്ഞു. ലോഗന്റെ വരികൾക്ക് ഗാനം ഇപ്പോൾ സംഗീതം നൽകിയിരിക്കുന്നു..

പുതിയ രൂപവും ഭാവവുമായി
‘ഐറ’യിൽ നയൻതാര.

നയൻതാര ഡബിൾ റോളിലെത്തുന്ന ചിത്രമാണ് ഐറ. ഇതിലെ മേഘദൂതം എന്ന ഗാനത്തിന്റെ ലിറിക് വീഡിയോ എത്തി. ആരാധകർ ആകാംക്ഷയോടെ കാത്തിരിക്കുന്ന ചിത്രമാണിത്.മേഘദൂതം എന്ന ഗാനത്തിൽ വ്യത്യസ്തമായ സ്റ്റൈലിലാണ് നയൻ താര എത്തുന്നത്. ഗാനത്തിന്റെ ലിറിക് വിഡിയോ ആരാധകർ ആഘോഷിക്കുകയാണ്. സോഷ്യൽ മീഡിയയിൽ ഗാനം ഇതിനകം വെറലായി. താമരയുടെ വരികൾ, സുന്ദര മൂർത്തിണ് ചിട്ടപ്പെടുത്തിയിരിക്കുന്നത്. .

ഹൊറർ ഡ്രാമ മൂവിയായ ചിത്രം സാർജുൻ കെ.എം. ആണ് സംവിധാനം ചെയ്തിരിക്കുന്നത്. മികച്ച പ്രതികരണമാണ് ഗാനത്തിനു സമൂഹമാധ്യമങ്ങളിൽ നിന്ന് ഇതിനകം തന്നെ ലഭിക്കുന്നത്. ഐറിയിലെ ഗാനം അതിമനോഹരം എന്നാണ് സംവിധായകൻ വിഘ്നേഷ് ശിവൻ ട്വിറ്ററിൽ കുറിച്ചത്. താമരയുടെത് കവിത തുളുമ്പുന്ന വരികളാണെന്നും അദ്ദേഹം പറയുന്നു. നയൻതാരയുടെ പുതിയ രൂപം പ്രേക്ഷകർ എങ്ങനെ സ്വീകരിക്കുമെന്നു കാത്തിരുന്നു തന്നെ കാണണം.

2019ൽ നയൻതാരയെ സംബന്ധിച്ച് ഏറെ പ്രതീക്ഷയുള്ള ചിത്രമാണിത്. നയൻതാരയ്ക്കു പുറമെ കലൈയരശൻ, യോഗി ബാബു എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. മാത്രമല്ല മലയാളി താരം കുളപ്പുള്ളി ലീല ശ്രദ്ധേയമായ കഥാപാത്രത്തെ അവതരിപ്പിക്കുന്നുണ്ട്. തെലുങ്കിലും തമിഴിലുമായി കുറച്ചധികം 8 ഓളം സിനിമകൾ 2019ൽ നയൻതാരയെ കാത്തിരിക്കുന്നുണ്ട്.

‘അര്‍ജന്റീന ഫാന്‍സ് കാട്ടൂര്‍കടവിലെ’
കാത്തു കാത്തു മിഴികളിൽ..വൈറലാവുന്നു.

സോഷ്യൽ മീഡിയയിൽ ‘അര്‍ജന്റീന ഫാന്‍സ് കാട്ടൂര്‍കടവിലെ’ ഗാനവും വൈറലാവുകയാണ്.മിഥുന്‍ മാനുവല്‍ തോമസ് സംവിധാനം ചെയ്ത ചിത്രത്തിലെ കാത്തു കാത്തു മിഴികളിൽ എന്ന സിതാര ആലപിച്ച ഗാനത്തിന് സംഗീതം നൽകിയിരിക്കുന്നത് ഗോപി സുന്ദർ ആണ് .അശോകന്‍ ചെരുവിലിന്റെ ചെറുകഥയെ ആസ്പദമാക്കി ഒരുക്കുന്ന ചിത്രത്തിന് സംവിധായകനും ജോണ്‍ മന്ത്രിക്കലും ചേര്‍ന്നാണ് തിരക്കഥ എഴുതിയിരിക്കുന്നത്. ആഷിഖ് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിഖ് ഉസ്മാനാണ് സിനിമ നിര്‍മ്മിച്ചിരിക്കുന്നത്. ഹാസ്യത്തിന് പ്രാധാന്യമുളള ഒരു ചിത്രമാണിത്.

പൃഥ്വിരാജ് സുകുമാരൻ താൻ ഒരു മികച്ച
സംവിധായകൻ കൂടിയാണെന്ന് “ലൂസിഫര്‍”
റിലൂടെ അടിവരയിട്ടു തെളിയിച്ചിരിക്കുന്നു.

കൊല്ലം:മലയാളം കണ്ട മികച്ച നടൻ സുകുമാരൻറെ മകനും പ്രശസ്ത നടനുമായ പൃഥ്വിരാജ് സുകുമാരൻ താൻ ഒരു മികച്ച സംവിധായകൻ കൂടിയാണെന്ന് “ലൂസിഫര്‍” റിലൂടെ അടിവരയിട്ടു തെളിയിച്ചിരിക്കുന്നു.പ്രേക്ഷകർ ആകാംഷയോടെ കാത്തിരുന്ന ആ പേര്,’സംവിധാനം- പൃഥ്വിരാജ് സുകുമാരൻ’ എന്ന് സ്‍ക്രീനില്‍ തെളിയുമ്പോൾ തീയേറ്ററിൽ ഉയർന്നുനിറഞ്ഞ കയ്യടിആ സത്യമാണ് വിളിച്ചുപറയുന്നത്.സ്റ്റീഫൻ നെടുമ്പള്ളിയെന്ന നായകകഥാപാത്രത്തെ മോഹൻലാൽ ധന്യമാക്കിയപ്പോൾ, ഇനിയും ഈ ലോകത്ത് ബഹുദൂരമെന്ന് ലാലിനും ലൂസിഫർ ഉറപ്പുനൽകുകയാണ്. മോഹൻലാല്‍ എന്ന നായക വല്ലഭൻറെ ഭാവവും,താളവും അഭിനയ പാഠവവും അളന്നുമുറിച്ച് ക്യാമറിയിലാക്കി പൃഥ്വിരാജ്തീയേറ്ററിലെത്തിച്ചിരിക്കുകയാണ്.

പി കെ ആര്‍ എന്ന പി കെ രാംദാസ് എന്ന രാഷ്‍ട്രീയ അതികായന്റെ മരണത്തോടെയാണ് സിനിമയുടെ തുടക്കം. കേരള മുഖ്യമന്ത്രിയായ പികെആറിന്റെ മരണത്തോടെ, ഒരു വൻ മരത്തിന്റെ പതനത്തോടെയാണ് സിനിമ തുടങ്ങുന്നത്. രാംദാസിന്റെ മൂത്ത മകള്‍ പ്രിയദര്‍ശിനി,അച്ഛനെ കാണാൻ എന്തായാലും സ്റ്റീഫൻ എത്തും, അതിന് തടയിടണമെന്ന് പറയുകയാണ്. പൊലീസ് തടയാൻ ശ്രമിച്ചിട്ടും സ്റ്റീഫൻ നെടുമ്പള്ളി താൻ ദൈവമായി കാണുന്ന പികെആറിനെ കാണാൻ എത്തുന്നു. ആദ്യ രംഗങ്ങളില്‍ തന്നെ നായകൻ മാസ് തന്നെയെന്ന് സംവിധായകൻ അടിവരയിടുകയാണ്.

രാഷ്‍ട്രീയകരുനീക്കങ്ങളോടെയാണ് കഥ പിന്നീട് പോകുന്നത്. സര്‍ക്കാര്‍ പിരിച്ചുവിടാനും പുതിയ മുഖ്യമന്ത്രിയായി രാംദാസിന്റെ മകനെ കൊണ്ടുവരാനും ഉള്ള ശ്രമം. അതിന് ഫണ്ട് എവിടെ നിന്ന് വരുന്നുവെന്നതിലേക്കാണ് സിനിമനീങ്ങുന്നത്. ബോബി എന്ന പ്രിയദര്‍ശിനിയുടെ രണ്ടാം ഭര്‍ത്താവാണ് പികെആറിന്റെ കാലശേഷം പാര്‍ട്ടിക്ക് ഫണ്ട് കണ്ടെത്താൻ തയ്യാറാകുന്നത്. ബോബിയുടെ പ്രതിനായക മുഖവും സിനിമയുടെ തുടക്കത്തില്‍ തന്നെ വ്യക്തമാക്കപ്പെടുന്നു. ഇതില്‍ നിന്നെല്ലാം വേറിട്ട കഥാഗതിയിലാണ് പികെആര്‍ വളര്‍ത്തിയെടുത്ത രാഷ്‍ട്രീയക്കാരനായ സ്റ്റീഫൻ നെടുമ്പള്ളിയുടേത്. ആതുരാലയം നടത്തുന്ന സ്റ്റീഫൻ നെടുമ്പള്ളിയുടെ ഭൂതകാലചരിത്രം അധികമാര്‍ക്കും അറിയില്ല. പക്ഷേ കേരള രാഷ്‍ട്രീയത്തില്‍ സ്റ്റീഫൻ നെടുമ്പള്ളി നിര്‍ണ്ണായകമാണ്.
മാസ് നായകനായി മോഹൻലാല്‍ വീണ്ടും സിനിമയിൽ കസറുകയാണ്. ആരാധകരെ സ്റ്റീഫൻ നെടുമ്പള്ളി ആവേശത്തിലാക്കുമെന്നു ഉറപ്പിച്ച് പറയാം. ആക്ഷൻ രംഗങ്ങളിലെ തകര്‍പ്പൻ പ്രകടനങ്ങളിലൂടെ ലാല്‍ വീണ്ടും അസാധ്യ വിസ്മയമാണ് കാഴ്ച്ചവെക്കുന്നത്.സിനിമയിറങ്ങുന്നിതിന് മുൻപേ പൃഥ്വിരാജ് പറഞ്ഞതെല്ലാം അക്ഷരംപ്രതി ശരിയാണെന്ന് ലൂസിഫര്‍ സാക്ഷ്യം പറയുന്നു.ഓരോ ഷോട്ടോകളുടെയും, ആംഗിളുകളുടെയും, കൃത്യത ഒന്ന് വേറെ തന്നെ. സമീപകാലത്തെ മലയാള സിനിമകളില്‍ നിന്ന് ഏറെ വ്യത്യസ്‍തമാണ് ലൂസിഫർ. ഒരു നടനെക്കാളുപരി സംവിധായകന്റെ മേലങ്കിയാണ് തനിക്കു ചേർന്നതെന്ന് പൃഥ്വിരാജ് തെളിയിക്കുകയാണ് സ്ഥാപിച്ചിരിക്കുകയാണ് .

അജി വള്ളിക്കീഴ്

‘കഥ നീളെ’ വൈറലായി

കൊല്ലം: പ്രണയത്തിന്റെ നനുത്ത മനോഹാരിത നിറഞ്ഞ ഒരു ആൽബം കൂടി വൈറൽ ആവുകയാണ്. യാത്രയും പ്രണയവും പശ്ചാത്തലമായി നിരവധി പ്രണയഗാനങ്ങൾ ഉണ്ടായിട്ടുണ്ട്. ചിലതൊക്കെ അരോചകമായിരിക്കും. മറ്റു ചിലത് കാതിനും മനസ്സിനും അങ്ങേയറ്റം കുളിർമനൽകും. സോഷ്യൽ മീഡിയയിൽ വൈറലായ ‘കഥ നീളെ’ എന്ന റൊമാന്റിക് ആൽബത്തെ അക്കൂട്ടത്തിൽ പെടുത്താനാവുംഅനു എലിസബത്ത് എഴുതിയവരികൾക്ക്മോജോ ജോസഫിന്റെ സംഗീതം നൽകിയിരിക്കുന്ന, ശ്വേതമോഹനും ഹരിചരണും ചേർന്നാലപിച്ചിരിക്കുന്ന ഈ പ്രണയഗാനത്തിൽ, മൃദുല വിജയും,ഹരീഷുമാണ്അ ഭിനയിച്ചിരിക്കുന്നത്. മൂന്നാറിന്റെ മനോഹാരിതയിൽ എ ബി തോമസാണ് ആൽബം സംവിധാനം ചെയ്തിരിക്കുന്നത്.

ഭയപ്പെടുന്ന വില്ലൻ റോളുമായി,
സംവിധായകൻ അജയ് വാസുദേവ്
ഇനി അഭിനയ രംഗത്തേക്കും,

കൊച്ചി:രാജാധിരാജ , മാസ്റ്റര്‍പീസ് തുടങ്ങിയ മമ്മൂട്ടി ചിത്രങ്ങളിലൂടെ ശ്രദ്ധേയനായ സംവിധായകന്‍ അജയ് വാസുദേവ് അഭിനയരംഗത്തേക്ക് കൂടി ഇറങ്ങുകയാണ്. ഭയപ്പെടുന്ന വില്ലൻ റോളുമായാണ് വരവ്. സുനില്‍ കാര്യാട്ടുകരയുടെ പിക്കാസോ എന്ന ചിത്രത്തില്‍ വില്ലന്‍ വേഷത്തിലാണ് അജയ് വാസുദേവ് എത്തുന്നത്.

പകിടയ്ക്കു ശേഷം സുനില്‍ കാര്യാട്ടുകാര ഒരുക്കുന്ന ചിത്രം കൂടിയാണ് പിക്കാസോ. അയാന ഫിലിംസിന്റെ ബാനറില്‍ ഷേയ്ഖ് അഫ്‌സല്‍ നിര്‍മ്മിക്കുന്ന ചിത്രത്തിനു തിരക്കഥയൊരുക്കുന്നത് ഷബീറാണ്. ഷാന്‍ പി. റഹമാന്‍ ചിത്രത്തിന്റ ഛായാഗ്രഹണം നിര്‍വഹിക്കുന്നു.ബഷീര്‍ എന്നാണ് അജയ് വാസുദേവിന്റെ കഥാപാത്രത്തിന്റെ പേര്.

സ്വതന്ത്ര സംവിധായകനാവുന്നതിനു മുമ്പ് തന്നെ അജയ് വാസുദേവ് അസ്സോസിയേറ്റ് ഡയറക്ടറായിരുന്നു. ചങ്ക്‌സ് എന്ന സിനിമയുടെ എക്‌സിക്യൂട്ടിവ് പ്രൊഡ്യൂസറും അജയ് വാസുദേവ് ആയിരുന്നു.

ജയസൂര്യ,ഇളയരാജയിൽ
നാടന്‍ പാട്ടുമായി വരുന്നു.

കൊച്ചി : അഭിനയത്തിന് പുറമെ ഗായകനായും മലയാളത്തില്‍ തിളങ്ങിയിട്ടുളള ജയസൂര്യ ഗിന്നസ് പക്രുവിന്റെ ഇളയരാജ എന്ന പുതിയ ചിത്രത്തിനു വേണ്ടി നാടന്‍ പാട്ടുമായി വരുന്നു. മാധവ് രാംദാസ് സംവിധാനം ചെയ്യുന്ന ചിത്രത്തിൽ കപ്പലണ്ടി എന്നു തുടങ്ങുന്ന ഗാനമാണ് ജയസൂര്യ പാടിയിരിക്കുന്നത്. കഴിഞ്ഞ ദിവസമായിരുന്നു ഇതിന്റെ വീഡിയോ പുറത്തിറങ്ങിയിരുന്നത്. അപ്പോത്തിക്കിരി,മേല്‍വിലാസം തുടങ്ങിയ ചിത്രങ്ങളിലൂടെ ശ്രദ്ധേയനായ സംവിധായകനാണ് മാധവ് രാംദാസ്. പോസ്റ്റ് പ്രൊഡക്ഷന്‍ പുരോഗമിക്കുന്ന സിനിമ റിലീസിങ്ങിനൊരുങ്ങുകയാണ്. ചിത്രത്തില്‍ ഗിന്നസ് പക്രുവിനൊപ്പം ഗോകുല്‍ സുരേഷും പ്രധാന കഥാപാത്രമായി അഭിനയിക്കുന്നുണ്ട്.

ദീപക് പറമ്പോല്‍, ഹരിശ്രീ അശോകന്‍, കവിത നായര്‍, അനില്‍ നെടുമങ്ങാട്, ബേബി ആര്‍ദ്ര, മാസ്റ്റര്‍ ആദിത്യന്‍,ജയരാജ് വാര്യര്‍,തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്‍. പാപ്പിനു ഛായാഗ്രഹണം നിര്‍വ്വഹിച്ച ചിത്രത്തിന് ശ്രീനിവാസ കൃഷ്ണയാണ് എഡിറ്റിങ്ങ്. മാധവ് രാംദാസിന്റെ കഥയ്ക്ക് സുദീപ് ടി ജോര്‍ജ്ജ് തിരക്കഥ, സംഭാഷണം ഒരുക്കിയിരിക്കുന്നു.ഇത്തവണയും പുതുമയുളള ഒരു പ്രമേയം പറഞ്ഞുകൊണ്ടാണ് സംവിധായകന്‍ ചിത്രമൊരുക്കിയിരിക്കുന്നത്. രതീഷ് വേഗയാണ് സിനിമയ്ക്ക് വേണ്ടി സംഗീതമൊരുക്കിയിരിക്കുന്നത്.

തമിഴകത്ത് മാത്രമല്ല തെലുങ്കിലും കൊലമാസ്സ് പ്രകടനവുമായി മെഗാസ്റ്റാർ മമ്മൂട്ടി.

ആന്ധ്രപ്രദേശിന്റെ സ്വന്തം ജനനായകനായ മുന്‍മുഖ്യമന്ത്രി വൈഎസ് രാജശേഖര റെഡ്ഡിയുടെ പദയാത്രയുമായി ബന്ധപ്പെട്ട് മഹി വി രാഘവ് സംവിധാനം ചെയ്ത യാത്രയിൽ മമ്മൂട്ടി കാഴ്ച്ചവെച്ചത് കൊലമാസ്സ് പ്രകടനം തന്നെ. സിനിമയുടെ പോസ്റ്ററുകളും ടീസറും ട്രെയിലറുമൊക്കെ സോഷ്യല്‍ മീഡിയയിലൂടെ വൈറലായി മാറിയപ്പോൾ പോലും ആരും ഇത്രകണ്ട് വിജയംപ്രതീക്ഷിച്ചില്ല.
ഭാഷാഭേദമില്ലാതെ അഭിനയിക്കാനും അംഗീകാരം ലഭിക്കണമെന്നും ആഗ്രഹിക്കാത്ത താരങ്ങള്‍ വിരളമാണ്. വില്ലനായി തുടക്കം കുറിച്ച് മലയാളത്തിന്റെ എല്ലാമെല്ലാമായി മാറിയ താരമാണ് മമ്മൂട്ടി. നാല് പതിറ്റാണ്ട് നീണ്ടുനിന്ന സിനിമാജീവിതത്തിനിടയില്‍ ഇടവേള അവസാനിപ്പിച്ച് അദ്ദേഹം തമിഴിലേക്കും തെലുങ്കിലേക്കും എത്തിയിരിക്കുകയാണ്.ദേശീയ അവാര്‍ഡ് ജേതാവായ റാം സംവിധാനം ചെയ്ത പേരന്‍പ് തിയേറ്ററുകളിലേക്കെത്തിയതിന് പിന്നാലെയായാണ് യാത്രയെത്തിയത്. റോട്ടര്‍ഡാം ചലച്ചിത്രമേളയുള്‍പ്പടെ നിരവധി മേളകളിലാണ് ചിത്രം പ്രദര്‍ശിപ്പിച്ചത്. റിലീസിന് മുന്‍പ് തന്നെ മികച്ച നിരൂപക പ്രശംസയായിരുന്നു സിനിമയ്ക്ക് ലഭിച്ചത് എന്നതും ശ്രദ്ധേയം.

വില്ലന്‍ വേഷങ്ങളിലൂടെ തുടക്കം കുറിച്ച ആദ്യകാലത്തെ അദ്ദേഹത്തിന്റെ സിനിമകളില്‍ പലതിലും നെഗറ്റീവ് കഥാപാത്രത്തെയായിരുന്നു അവതരിപ്പിക്കേണ്ടി വന്നിരുന്നത്. വക്കീലായി ജോലി ചെയ്ത് വരുന്നതിനിടെ മമ്മൂട്ടി സിനിമയിലേക്കെത്തുകയായിരുന്നു.തുടക്കക്കാലത്ത് എങ്ങനെ പെരുമാറണം എന്ന് പോലും അറിയില്ലായിരുന്നുവെന്ന തരത്തിലുള്ള വിമര്‍ശനങ്ങളും ഉയര്‍ന്നുകേട്ടു. ഏത് തരത്തിലുള്ള കഥാപാത്രമായാലും അത് തന്നില്‍ ഭദ്രമാണെന്ന് അദ്ദേഹം പല തവണ തെളിയിച്ചിട്ടുണ്ട്.

പ്രമേയത്തിലെ വ്യത്യസ്തതയാണ് എന്നും മെഗാസ്റ്റാറിനെ ആകര്‍ഷിക്കുന്നത്. തിരക്കുകളിലായിരിക്കുമ്പോഴും തന്നെത്തേടിയെത്തുന്നവർ പറയുന്നത് കേള്‍ക്കാന്‍ അദ്ദേഹം തയ്യാറാവാറുണ്ട്. നവാഗതരെ പിന്തുണയ്ക്കുന്ന കാര്യത്തില്‍ ഏറെ മുന്നിലാണ് ഇപ്പോഴും. ഒരുകാലത്ത് അദ്ദേഹത്തിൻറെ കരിയര്‍ അവസാനിച്ചുവെന്നും സിനിമ നിര്‍ത്താറായെന്ന തരത്തിലുമുള്ള വിലയിരുത്തലുകള്‍ വരെ പുറത്തുവന്നിരുന്നു. പ്രതിസന്ധികളെയും വിമര്‍ശനങ്ങളെയുമൊക്കെ കാറ്റില്‍ പറത്തി ഉയിര്‍ത്തെണീറ്റ് വരുന്നതാണ് സിനിമ ലോകം പിന്നീട് കണ്ടത്.
തനിയാവര്‍ത്തനവും ന്യൂഡല്‍ഹിയും പോലെയുള്ള സിനിമകള്‍ പുറത്തുവന്നതോടെയാണ് മമ്മൂട്ടിക്ക്
മെഗാസ്റ്റാര്‍ എന്ന പേര് ചാര്‍ത്തിക്കിട്ടിയത്. മമ്മൂട്ടി എന്ന താറാം വളർച്ചയുടെ പടികൾ ഓരോന്നായി ചവിട്ടിക്കയറുകയായിരുന്നു.

യാത്രയുടെ ടീസറും ട്രെയിലറും പുറത്തുവന്നപ്പോള്‍ത്തന്നെ ആരാധകര്‍ക്ക് പ്രതീക്ഷകളേറെയായിരുന്നു. അയാള്‍ക്ക് സംസാരിക്കാന്‍ കഴിയില്ലെങ്കിലും എനിക്ക് കേള്‍ക്കാന്‍ കഴിയുമെന്നായിരുന്നു വൈഎസ് ആര്‍ പറഞ്ഞത്. വൈഎസ് ആര്‍ പുനര്‍ജനിച്ചത് പോലെയാണ് ചിത്രം കണ്ടപ്പോള്‍ തോന്നിയതെന്നായിരുന്നു തെലുങ്ക് പ്രേക്ഷകര്‍ പ്രതികരിക്കുന്നത്. അഭിനേതാവെന്ന നിലയില്‍ മെഗാസ്റ്റാറിന് ലഭിക്കാവുന്നതില്‍ വെച്ച് എക്കാലത്തെയും മികച്ച അംഗീകാരം കൂടിയാണിത്. അമ്പരപ്പിക്കുന്ന ഭാവപ്പകര്‍ച്ചയുമായാണ് യാത്രയിൽ
മമ്മൂട്ടി തൻറെ കഥാപാത്രത്തിന് ജീവൻ നൽകിയിരിക്കുന്നത്.

തല തലൈവറെ വെട്ടി

തെന്നിന്ത്യന്‍ സിനിമാപ്രേക്ഷകരുടെ പ്രിയപ്പെട്ട താരമായ തല അജിത്ത് വിശ്വാസത്തിലൂടെ തലൈവരെ കടത്തിവെട്ടി. തലയുടെ സിനിമകള്‍ക്ക് തമിഴകത്ത് മാത്രമല്ല കേരളത്തിലും ഗംഭീര സ്വീകരണമാണ് കിട്ടാറുള്ളത്. പെട്ടെന്നാണ് തലയുടെ സിനിമകളുമായി ബന്ധപ്പെട്ട വാര്‍ത്തകള്‍ വൈറലായി മാറുന്നത്. നീണ്ട കാത്തിരിപ്പിനൊടുവില്‍ തിയേറ്ററുകളിലേക്കെത്തിയ വിശ്വാസം പൊങ്കലിനായിരുന്നു തിയേറ്ററുകളിലേക്കെത്തിയത്. തലൈവര്‍ ചിത്രമായ പേട്ടയും ഇതേ ദിവസമായിരുന്നു തിയേറ്ററുകളിലേക്കെത്തിയത്. സ്‌ക്രീന്‍ നമ്പറുകളുടെ കാര്യത്തില്‍ വ്യത്യാസമുണ്ടായിരുന്നെങ്കിലും, തലൈവര്‍ക്കൊപ്പം പിടിച്ചുനില്‍ക്കാന്‍ തലയ്ക്ക് കഴിയുമെന്നും, കഴിഞ്ഞുവെന്നുമുള്ള റിപ്പോര്‍ട്ടുകളായിരുന്നു തുടക്കം മുതലേ തന്നെ പ്രചരിച്ചിരുന്നത്. അജിത്തിന്റെ കരിയര്‍ തന്നെ മാറ്റി മാറിക്കുന്ന സിനിമയായി ഇത് മാറുമെന്ന വിലയിരുത്തലിലായിരുന്നു ആരാധകര്‍. ബോക്‌സോഫീസില്‍ നിന്നും പല റെക്കോര്‍ഡുകളും നേടിയെടുത്ത് മുന്നേറിയ വിശ്വാസം ഈ വര്‍ഷത്തെ ആദ്യ തമിഴ് ബ്ലോക്ക് ബ്ലസ്റ്ററായി മാറിയെന്നുള്ള സന്തോഷവാര്‍ത്തയാണ് തുടർന്ന് അണിയറപ്രവര്‍ത്തകര്‍ പങ്കുവെച്ചത്.

വേതാളത്തിന് ശേഷം അജിത്തും ശിവയും ഒരുമിച്ചത് വിശ്വാസത്തിന് വേണ്ടിയായിരുന്നു. ജനുവരി 10നായിരുന്നു സിനിമ റിലീസ് ചെയ്തത്. ആരാധകര്‍ക്ക് ഇഷ്ടപ്പെടുന്ന തരത്തിലുള്ള സിനിമയുമായാണ് ഇത്തവണത്തെ തന്റെ വരവെന്ന് സംവിധായകന്‍ നേരത്തെ വ്യക്തമാക്കിയിരുന്നു. അജിത്തിന്റെ കരിയറിലെ തന്നെ എക്കാലത്തെയും മികച്ച സിനിമയായി മാറിയിരിക്കുകയാണ് വിശ്വാസം. കരിയര്‍ ബ്രേക്ക് ചിത്രങ്ങളില്‍ ഒന്നാം സ്ഥാനത്താണ് ഈ സിനിമ.നാലാം വാരത്തിലും നിറഞ്ഞ സദസ്സുകളിലാണ് ചിത്രം പ്രദര്‍ശിപ്പിക്കുന്നത്. തമിഴ്‌നാട് ബോക്‌സോഫീസില്‍ നിന്ന് മാത്രമായി 130 കോടിയാണ് സിനിമയ്ക്ക് ഇതിനകം ലഭിച്ചത്.

രജനീകാന്ത് തരംഗത്തിനിടയിലും കാലിടറാതെ പിടിച്ച് നില്‍ക്കാന്‍ കഴിഞ്ഞുവെന്നുള്ളതാണ് തലയുടെ നേട്ടം. നയന്‍താരയും ബേബി അനിഖയുമുള്‍പ്പടെ വന്‍താരനിരയായിരുന്നു ചിത്രത്തിനായി അണിനിരന്നത്. റിലീസിന് മുന്‍പ് തന്നെ ഗാനങ്ങള്‍ വൈറലായി.പുതുവര്‍ഷത്തില്‍ റിലീസ് ചെയ്ത സിനിമകളില്‍ ബോക്‌സോഫീസില്‍ നിന്നും ഗംഭീര നേട്ടം സ്വന്തമാക്കിയ സിനിമയെന്ന റെക്കോര്‍ഡും വിശ്വാസത്തിനുണ്ട്.

ഔദ്യോഗിക സ്ഥിരീകരണം സിനിമയുടെ നിര്‍മ്മാതാക്കളായ കെജിആര്‍ സ്റ്റുഡിയോയാണ് വിശ്വാസത്തിന്റെ ലേറ്റസ്റ്റ് പ്രകടനത്തെക്കുറിച്ചുള്ള റിപ്പോര്‍ട്ട് പുറത്തുവിട്ടത്. തിയേറ്റര്‍ കളക്ഷനെക്കുറിച്ചും ഓവര്‍സീസിനെക്കുറിച്ചുമൊക്കെയുള്ള ചോദ്യങ്ങള്‍ക്കെല്ലാം ഉത്തരം വിശ്വാസമാണ്. ഈ വിജയം തങ്ങളുടേതല്ല, നിങ്ങളുടേതാണെന്നാണ് നിര്‍മ്മാതാക്കള്‍ കുറിച്ചിട്ടുള്ളത്.

സിനിമയാണ് എന്റെ രാഷ്ട്രീയമെന്ന് മമ്മൂട്ടി

കഴിഞ്ഞ 38 വര്ഷങ്ങളായി ഞാൻ സിനിമാമേഖലയിലാണ്.സിനിമയാണ് എന്റെ രാഷ്ട്രീയം.
സത്യത്തിൽ സിനിമ മേഖലയിൽ കൂടുതൽ രാഷ്ട്രീയം ഉണ്ട്.തെലുങ്കിലെ ഗൾട്ട് ഡോട്ട് കോമിന് നൽകിയ അഭിമുഖത്തിലാണ് മമ്മൂട്ടി ഇങ്ങനെ പ്രതികരിച്ചത്.സൂപ്പർ സ്റ്റാറുകളുടെ രാഷ്ട്രീയ പ്രവേശത്തെ പറ്റിയുള്ള ചർച്ചകൾ അരങ്ങുതകർക്കുന്നതിനിടയിൽ രാഷ്ട്രീയത്തി ലേക്കിറങ്ങാൽ പദ്ധതിയുണ്ടോ എന്ന ചോദ്യാത്തിന്
മറുപടി പറയുകയായിരുന്നു മമ്മൂട്ടി. രണ്ടു പതിറ്റാണ്ടുകൾക്ക് ശേക്ഷം,മഹി വി രാഘവ് സംവിധാനം ചെയ്യുന്ന യാത്ര എന്ന ചിത്രത്തിലൂടെ മമ്മൂട്ടി വീണ്ടും തെലുങ്കിലേക്ക് തിരിച്ചുവരവ് നടത്തുകയാണ്.

വൈറസ‌്’ ന്റെ പോസ‌്റ്റർ പുറത്തിറങ്ങി

കൊച്ചി > കേരളത്തെയാകെ ഭയപ്പെടുത്തിയ നിപാ വൈറസ‌് ബാധയെ ആസ‌്പദമാക്കിയുള്ള ആഷിക‌് അബു ചിത്രം “വൈറസ‌്’ ന്റെ പോസ‌്റ്റർ പുറത്തിറങ്ങി. പേരുകൊണ്ടു തന്നെ പ്രേക്ഷകർ കാത്തിരിക്കുന്ന ചിത്രമാണ് ആഷിഖ് അബുവിന്റെ “വൈറസ്’.
രേവതി, ആസിഫ് അലി, പാർവതി തിരുവോത്ത്‌, റിമ കല്ലിങ്കൽ, ടോവിനോ തോമസ്, ശ്രീനാഥ്‌ ഭാസി, രമ്യാ നമ്പീശൻ, സൗബിൻ ഷാഹിർ, ദിലീഷ് പോത്തൻ, ഇന്ദ്രജിത്ത്‌, ഇന്ദ്രൻസ്‌, ജോജു ജോർജ്ജ്‌, മഡോണ സെബാസ്‌റ്റ്യൻ തുടങ്ങി വൻ താരനിരയാണ് സിനിമയിൽ അണിനിരക്കുന്നത്. അത്ഭുതകരമായ അതിജീവനത്തിന്റെ കഥപറയുന്ന ചിത്രം ആവേശത്തോടെ പ്രേക്ഷകർ സ്വീകരിക്കുമെന്നാണ് പ്രതീക്ഷ.

മുഹ്സിൻ പരാരി, സുഹാസ്, ഷറഫു തുടങ്ങിയവരാണ് “വൈറസി’ന്റെ രചന. രാജീവ് രവി ഛായാഗ്രഹണവും സുഷിൻ ശ്യാം സംഗീതവും നിർവഹിക്കുന്നു. ഏപ്രിൽ അവസാനത്തോടെ ചിത്രം തിയറ്ററുകളിൽ എത്തും.

മൃച്ഛകടികം
സംസ്‌കൃത സിനിമ തുടങ്ങി

ആറാം നൂറ്റാണ്ടിൽ ശുദ്രകൻ എഴുതിയ സംസ്കൃതനാടകത്തെ ആസ്പദമാക്കി കണ്ണൻ പെരുമുടിയൂർ സംവിധാനം ചെയുന്ന മൃച്ഛകടികം പട്ടാമ്പിയിൽ ചിത്രീകരണം ആരംഭിച്ചു. സംസ്കൃതപണ്ഡിതൻ പുന്നശ്ശേരി നമ്പിയുടെ നാട്ടിലാണ് സംസ്‌കൃത ചിത്രത്തിനു തുടക്കം. തിരക്കഥാകൃത്ത് ശത്രുഘ്‌നൻ സ്വിച്ച് ഓൺ നിർവഹിച്ചു.ആട്ടക്കഥ നേർകാഴ്ച എന്നീ സിനിമകൾക്കുശേഷം കണ്ണൻ പെരുമുടിയൂർ സംവിധാനം ചെയ്യുന്ന ചിത്രമാണ് മൃച്ഛകടകം. ഹരിശ്രീ ഫിലിംസ്‌ ഇന്റർനാഷണലിൻറെയും കാലിയോപ്പ് ഫിലിംസിൻറെയും ബാനറിൽ അജിത് തുമ്പപ്പൂ, സുഭാഷ് ശ്രീധരൻ, വി.വി.ശ്രീക്കുട്ടൻ, എന്നിവരാണ് ചിത്രം നിർമിക്കുന്നത്. ഈ പുഴയും കടന്നു, നക്ഷത്രതാരട്ട്, നിറം തുടങ്ങിയ നിരവധി വിജയചിത്രങ്ങളുടെ തിരക്കഥാകാരൻ ശത്രുഘ്നൻ തിരക്കഥയും സംഭാഷണവും എഴുതുന്നു.
ബാല, നേഹ സക്‌സേന, അർജ ബാനർജി, വൈക്കം മൂർത്തി, നീന കുറുപ്പ്, ഗീത വിജയൻ, ഷിനു നെടുമ്പാശ്ശേരി, അമൃത എസ്, ഗണേഷ്, റസാഖ്, ജോസ്, പൊന്നു കുളപ്പുള്ളി തുടങ്ങിയവർ അഭിനയിക്കുന്നു. മൺകാളവണ്ടി എന്നർത്ഥം വരുന്ന ചിത്രം ഇന്ത്യൻ സിനിമയിൽ തന്നെ പുതിയപുതിയൊരനുഭവമായിരിക്കും. ഗണികസ്ത്രീയും ദരിദ്രബ്രാഹ്മണയുവാവും തമ്മിലുള്ള പ്രണയകഥയാണിത്. ചാരുദത്തനായി ബാലയും വസന്തസേനയായി അർജ ബാനാജിയും അതിഥിയായി നേഹ സക്‌സേനയും അഭിനയിക്കുന്നു. സംസ്കൃതത്തിൻറെ സാങ്കേതികസഹായം ഡോ.നടേശൻ ശ്രീകാന്ത് എന്നിവരാണ്. ഛായാഗ്രഹണം ആസാദ് വാസു. പ്രഭാവർമ, എം.ഡി .രാജേന്ദ്രൻ, നരേന്ദ്രമേനോൻ എന്നിവരുടെ വരികൾക്ക് അഖിൽ അമ്പലക്കാട് സംഗീതം പകരുന്നു. രമേശ് ഗുരുവായൂർ കഥാസംവിധാനവും കുമാർ എടപ്പാൾ വസ്ത്രാലങ്കാരവും അനീഷ് ചെറുപ്പുളശ്ശേരി ചമയവും അബ്രഹാംലിങ്കൺ വാർത്താവിതരണവും നിർവഹിക്കുന്നു. പ്രൊഡക്ഷൻ കൺട്രോളർ ശശി മായന്നൂർ.ടെക്നിക്കൽ ഡയറക്ടർ സുനിൽ സുബ്രഹ്മണ്യൻ, സഹസംവിധാനം വിഷ്ണു വത്സൻ, രശ്മി. നിശ്ചലഛായാഗ്രാഹണം വിഷ്ണു.
സംസ്‌കൃത ഭാഷയിലെ ഏറ്റവും ഉജ്വലമായ നാടകങ്ങളിൽ പ്രമേയത്തിൻറെ സ്വീകാര്യത കൊണ്ടും, വ്യത്യസ്തത കൊണ്ടും, തീവ്രത കൊണ്ടും അദ്വീതമായ സ്ഥാനമാണ് ചിത്രത്തിനുള്ളത്. ആദിശങ്കരാചാര്യ,ഭഗവദ്ഗീത, പ്രിയമാനസം,ഇഷ്ടി, സൂര്യകാന്ത എന്നിവയാണ് ഇന്ത്യയിൽ നിർമ്മിച്ചിട്ടുള്ള സംസ്കൃത സിനിമകൾ.
പട്ടാമ്പി, ഒറ്റപ്പാലം എന്നിവിടങ്ങളിലായി മൃച്ഛകടികം പൂർത്തിയാകും.
എബ്രഹാം ലിങ്കൺ

കളിയല്ല ചങ്ങായി
ഡബ്ബിങ് പൂർത്തിയായി

ചിക്കുവിൻറെയും ചക്കിയുടെയും കുറുമ്പും കുസൃതിയും ഹാസ്യാത്മകമായി പകർത്തുന്ന കളിയല്ല ചങ്ങായി ഡബ്ബിങ് പൂർത്തിയായി. ദേവദാസ് ഫിലിംസിൻറെ ബാനറിൽ കല്ലയം സുരേഷ് ചിത്രം നിർമ്മിക്കുന്ന ചിത്രത്തിൻറെ രചന, ഗാനരചന, സംഗീതം, സംവിധാനം എന്നിവ ചന്ദ്രശേഖരമേനോൻ നിർവഹിക്കുന്നു.
ഉണ്ണി രാജേഷ്, ഷിബിൻ ജോർജ് എന്നിവർ നായകന്മാരാകുന്ന ചിത്രത്തിൽ അഞ്ചുഅശോക്‌ , നിതീഷ , അഞ്ചുകൃഷ്ണ, സെല്ലു ,തമ്പു,ലൗഡ്‌സ്‌പീക്കർ രതീഷ്, സൈമൺ പാവറട്ടി, ജയശ്രീ, രേഖ ശേഖർ, മിനി അലക്സ്, ബേബി കൃഷ്ണാഞ്ജലി തുടങ്ങിയവരും അഭിനയിക്കുന്നു. റസാഖ് കുന്നത്ത് ഛായാഗ്രഹണവും അനുരാജ് എഡിറ്റിംങ്ങും കോട്ടയം രാജു ചമയവും നിർവഹിക്കുന്നു. വിധു പ്രതാപ്, അൻവർ സാദത്ത്, ഓ.യു.ബഷീർ എന്നിവരാണ് ഗായകർ.
അബ്രഹാംലിങ്കൺ

ഒരു നല്ല കോട്ടയം കാരൻ
ചിത്രീകരണം പൂർത്തിയായി

കോട്ടയം നവജീവൻ ക്ലബ്ബിലെ പ്രശസ്തനായ പി.യു.തോമാസിൻറെ ജീവിതകഥയെ ആസ്പദമാക്കി സൈമൺ കുരുവിള കഥ,തിരക്കഥ,സംഭാഷണം എഴുതി സംവിധാനം ചെയ്യുന്ന ഒരു നല്ല കോട്ടയംകാരൻ ചിത്രീകരണം പൂർത്തിയായി. നിർമ്മാണം യേശു സിനിമാസ്.
നന്മ ചെയ്യുന്ന ഒരു സാധാരണക്കാരൻറെ കഥ കുടുംബപശ്ചാത്തലത്തിൽ രണ്ടു കാലഘട്ടങ്ങളിലൂടെ പറയുന്നു.നമ്മളിൽ ഓരോരുത്തരിലും നന്മയും ഈശ്വരനുമുണ്ട്. ആ നന്മയെ പ്രവർത്തികമാക്കുകയാണ് ഈ ചിത്രത്തിലൂടെ സംവിധയകൻ. തോമസ് എന്ന കഥാപാത്രമായി റോബിൻസ് അഭിനയിക്കുന്നു. അശോകൻ, ഷാജു, മിനോൺ, ശ്രീജിത്‌വിജയ്‌, ചാലി പാല, കോട്ടയം പ്രദീപ്, നസീർ സംക്രാന്തി, രഞ്ജിത്, കോട്ടയം പുരുഷൻ, നന്ദകിഷോർ, സൈമൺ കുരുവിള, മനോരഞ്ജൻ, അജയ്കുട്ടി,ദിലീപ് കോട്ടയം, രാജേഷ് ചാലക്കുടി, അഞ്ജലി നായർ, അപർണ നായർ, സ്വപ്‌ന, ഭദ്ര തുടങ്ങിയവരാണ് മറ്റഭിനേതാക്കൾ.
ബിനു എസ്.നായർ ഛായാഗ്രഹണവും ശ്രീകുമാർ എഡിറ്റിംങ്ങും രമണൻ കറുകപ്പള്ളി കലാസംവിധാനവും റോയ് പല്ലിശ്ശേരി ചമയവും ജോഷി അറവാക്കൽ നിശ്ചല ഛായാഗ്രഹണവും എബ്രഹാംലിങ്കൺ വാർത്താവിതരണവും കൈകാര്യം ചെയ്യുന്നു.
കോസ്റ്റ്യും ഡിസൈൻ ജാൻസി സൈമൺ, രസ്മി ജയഗോപാൽ.
റോബിൻസ് അമ്പാട്ടിൻറെ വരികൾക്ക് ജിനോഷ് ആൻ്റണി സംഗീതം പകർന്നു. ജയചന്ദ്രൻ, വിജയ് യേശുദാസ്, കെ.എസ്.ചിത്ര, ശ്വേത മോഹൻ എന്നിവരാണ് ഗായകർ. ചീഫ് അസ്സോസിയേറ്റ് ഡയറക്ടർ പ്രെറ്റി എഡ്വേർഡ്. അസ്സോസിയേറ്റ് ഡയറക്ടർ കൃഷ്ണകുമാർ, അരുൺ ഉടമ്പഞ്ചോല. സഹസംവിധാനം ബിനിൽ, അജ്‌ലിൻ പാറക്കൽ, ആൽവിൻ സൈമൺ. പ്രൊഡക്ഷൻ കൺട്രോളർ രാജേഷ് തങ്കപ്പൻ, പ്രൊഡക്ഷൻ മാനേജേഴ്സ് ജോമോൻ ജോയ് ചാലക്കുടി, രഞ്ജിത്. ഫിനാൻസ് കൺട്രോളർ സിനോ ആൻ്റണി.
എബ്രഹാംലിങ്കൺ

മഞ്ജു വാര്യർ തമിഴിൽ
ധനുഷിന്റെ നായികയാവുന്നു.

മലയാളികളുടെ പ്രിയ നടി മഞ്ജു വാര്യർ തമിഴിൽ ധനുഷിന്റെ നായികയാവുന്നു. വടചെന്നൈയ്ക്ക് ശേഷം സംവിധായകൻ വെട്രിമാരനും ധനുഷും ഒന്നിക്കുന്ന അസുരനിലാണ് മഞ്ജു നായികയാകുന്നത്. ധനുഷ് ആണ് ഇക്കാര്യം ട്വറ്ററിലൂടെ പ്രേക്ഷകരെ അറിയിച്ചത്. എവർഗ്രീൻ ആക്ട്രസ് മഞ്ജു വാര്യരാണ് ചിത്രത്തിൽ നായികയാകുന്നതെന്നും അവരോടൊപ്പം അഭിനയിക്കാൻ പോകുന്നതിന്റെ ആകാംക്ഷയിലാണ് താനെന്നും ധനുഷ് ട്വീറ്റ് ചെയ്തു.
‘എന്റെ ആദ്യ തമിഴ് ചിത്രം. ഇതിൽപരം എന്ത് ആഗ്രഹിക്കാൻ. ധനുഷിനും വെട്രിമാരനും നന്ദി. ഞാനും ആകാംക്ഷയിലാണ്’- ധനുഷിന്റെ ട്വീറ്റിന് മറുപടിയായി മഞ്ജു പറഞ്ഞിരിക്കുന്നു.

പ്രതാപ് പോത്തൻ നായകനാവുന്ന
കാഫിറിൽ ഇസ്ലാമോഫോബിയയുടെ
രാഷ്ട്രീയമാണ് ചർച്ച ചെയ്യുന്നത്

കൊല്ലം:ഏറെ വ്യത്യസ്തതയുള്ള പ്രമേയമാണ് ‘കാഫിർ’ ന്റേത്. ഏറെ ചർച്ചചെയ്യപ്പെടാനിടയുള്ള ഒരു ചിത്രം. കാഫിറിൽ ഇസ്ലാമോഫോബിയയുടെ രാഷ്ട്രീയമാണ് ചർച്ച ചെയ്യുന്നത്. പ്രമുഖ നടനും സംവിധായകനുമായ പ്രതാപ് പോത്തൻ നായകവേഷത്തിലെത്തുന്ന കാഫിറിൻറെ ചിത്രീകരണം പൂർത്തിയായി. വിനോദ് കരിക്കോട് തിരക്കഥയെഴുതി സംവിധാനം ചെയ്യുന്ന ചിത്രം താടിയുള്ളവരെ ഭയപ്പെടുന്ന മാനിസാകാവസ്ഥയായ പൊഗണോഫോബിയയുള്ള ഒരാളുടെ കഥയാണ് പറയുന്നത്.
താടിയുള്ളവരെ കാണുമ്പോൾ രഘുരാമന് ദേഷ്യവും വെറുപ്പും പേടിയുമാണ്. താടി വെച്ചു നടക്കുന്നവരെല്ലാം ബോംബ് വെയ്ക്കുന്നവരാണ് എന്നാണ് അദ്ദേഹത്തിന്റെ ചിന്താഗതി. ഒരു ഹെല്ത്ത് ഇന്സ്പെക്ടറായ രഘുരാമന്. ഓഫീസ്, വീട്, ഭാര്യ, മക്കള് എന്നല്ലാതെ സമൂഹവുമായി യാതൊരു ബന്ധവുമില്ല. രഘുരാമൻറെ മാനസിക വിഭ്രാന്തിയിൽ ഒരു നിരപരാധി കുടുങ്ങുന്നതും തുടര്ന്നുള്ള സംഭവങ്ങളുമാണ് ചിത്രത്തിന്റെ പ്രമേയം.
വാര്ത്തകൾ സാധാരണക്കാരുടെ മനസിനെ സ്വാധീനിക്കുന്നുണ്ട്. മുംബൈ ഭീകരാക്രമണത്തിന്റെ വാര്ത്ത മൂന്ന് ദിവസം തുടര്ച്ചയായി ടിവിയില് കാണുന്നതുമുതലാണ് രഘുരാമന്റെ മാനസികാവസ്ഥയില് മാറ്റങ്ങളുണ്ടാകുന്നത്. പത്രത്തില് ഭീകരവാദവുമായി ബന്ധപ്പെട്ടുള്ള വാര്ത്തകളും രേഖാ ചിത്രങ്ങളും വാണ്ടഡ് ചിത്രങ്ങളും ആല്ബമാക്കി സൂക്ഷിക്കുന്ന ഹോബിയുമുണ്ട് രഘുരാമന്. പുറത്തിറങ്ങുമ്പോള് ഇവരെ കാണുന്നുണ്ടോയെന്ന് ചുറ്റും നോക്കും. താടിയുള്ളവരെ കാണുമ്പോള് കിതയ്ക്കും, ഹൃദയമിടിപ്പ് കൂടും, വിയര്ക്കും.

സെപ്തംബര് 11 ലെ ഭീകരാക്രമണത്തിന് ശേഷമാണ് പൊഗണോഫോബിയ വ്യാപകമായി റിപ്പോര്ട്ട് ചെയ്യപ്പെടുന്നതെന്ന് സംവിധായകൻ വിനോദ് കരിക്കോട് പറയുന്നു. സ്ക്രിപ്റ്റ് എഴുതിക്കഴിഞ്ഞതിന് ശേഷമാണ് പൊഗണോഫോബിയ എന്ന വാക്ക് പോലും കിട്ടിയത്. എഴുതിയതും പുതുതായി അറിഞ്ഞതും ഒന്നാണെന്ന് കണ്ടപ്പോൾ സന്തോഷം തോന്നി. നല്ല സൗഹൃദങ്ങളുണ്ടാക്കുന്നതിലൂടെയും നല്ല പുസ്തകങ്ങൾ വായിക്കുന്നതിലൂടെയും പൊഗണോഫോബിയ മറികടക്കാമെന്ന് കണ്ടെത്തിയിട്ടുണ്ട്.

പ്രതാപ് പോത്തനെ നായകനായി മനസില് കണ്ടാണ് വിനോദ് കരിക്കോട് തിരക്കഥ എഴുതിയത്. അദ്ദേഹം ചെയ്തില്ലെങ്കില് പ്രൊജക്ട് ഉപേക്ഷിക്കാനായിരുന്നു തീരുമാനം. ഫോണിലൂടെയാണ് ആദ്യം കഥ പറഞ്ഞത്. അദ്ദേഹം താല്പര്യം പ്രകടിപ്പിക്കുകയും സ്ക്രിപ്റ്റ് ചോദിക്കുകയും ചെയ്തു. വായിച്ചതിന് പിറ്റേന്ന് തന്നെ വിളിച്ച് നമുക്കിത് ചെയ്യാമെന്ന് അറിയിക്കുകയുമായിരുന്നു.
പൊഗണോഫോബിയയേക്കുറിച്ചുള്ള അന്വേഷണങ്ങൾ നടത്തിയ ശേക്ഷമാണ് പ്രതാപ് പോത്തൻ ഷൂട്ടിംഗ് ഫ്ലോറിൽ എത്തുന്നത്. രഘുരാമൻ അടുത്ത കാലത്ത് ചെയ്തതിൽ ഏറ്റവും മികച്ച കഥാപാത്രമാകുമെന്നാണ് പ്രതീക്ഷിക്കുന്നത്.
പ്രമേയത്തെക്കുറിച്ച് കേട്ടറിഞ് അംജിത് എസ് കോയ ചിത്രത്തിന്റെ നിർമാണം ഏറ്റെടുക്കുകയായിരുന്നു.. ഒരു അക്കാദമിക് ലൈനിലുള്ള ചിത്രം എന്ന നിലയിൽ മാത്രമാണ് ആദ്യം ചിത്രത്തേക്കുറിച്ച് ചിന്തിച്ചത്. തൊണ്ടിമുതലും ദൃക്സാക്ഷിയും, ഒരു കുപ്രസിദ്ധ പയ്യന് തുടങ്ങിയ ചിത്രങ്ങളുടെ ചീഫ് അസോസിയേറ്റ് ഡയറക്ടറായ കെ ആര് ഉണ്ണി ഒരുപാട് സഹായങ്ങള് ചെയ്തു. കാഫിര് ജനപ്രിയമാക്കാന് വേണ്ട നിര്ദ്ദേശങ്ങൾ നല്കിയത് ഉണ്ണിയാണെന്നും സംവിധായകൻ വിനോദ് പറയുന്നു.രഘുനാഥന്റെ ഭാര്യയായി നീനാ കുറുപ്പാണ് വേഷമിട്ടിരിക്കുന്നത്. പുതുമുഖ നടന് സൂരജ് സാജന് മകന്റെ കഥാപാത്രം അവതരിപ്പിക്കുന്നു. ജോജു ജോര്ജ്, വീണാ നായര്, കെപിഎസി ശാന്തി, ഫവാസ് അലി, ദില്ഷാന തുടങ്ങിയവരും ചിത്രത്തില് അഭിനയിക്കുന്നുണ്ട്. ടെക്സാസ് ഫിലിം ഫാക്ടറിയുടെ ബാനറില് അംജിത് എസ് കോയയാണ് കാഫിര് നിര്മ്മിക്കുന്നത്. ശ്യാം അമ്പാടി ഛായാഗ്രണം നിര്വ്വഹിക്കുന്നു. ജോയ് തമലത്തിന്റെ വരികള്ക്ക് റോണി റാഫേല് ഈണം നല്കുന്നു. കൊല്ലമായിരുന്നു ചിത്രത്തിന്റെ പ്രധാന ലൊക്കേഷൻ. തിരുവനന്തപുരത്ത് വെച്ച് ക്ലൈമാക്സ് രംഗങ്ങൾ ചിത്രീകരിച്ചു.

ഡോൺബോസ്‌കോ
ഷോർട് ഫിലിം ഫെസ്റ്റ് 2019;
ഹൃസ്വ ചിത്രങ്ങൾക്ഷണിച്ചു

കൊല്ലം: ഡോൺബോസ്‌കോ ഇന്റർനാഷണൽ ഷോർട് ഫിലിം ഫെസ്റ്റ് 2019 ലേക്ക് ഹൃസ്വ ചിത്രങ്ങൾക്ഷണിച്ചു.ജനുവരി 27 നു രാവിലെ 10 മണിമുതൽ കൊല്ലം ഡോൺബോസ്‌കോ തോപ്പ് സെൻറ് സ്റ്റീഫെൻസ് ചർച്ച് പാരിഷ് ഹാളിലാണ് മേള നടക്കുക. 2017 ജനുവരിക്കു ശേക്ഷം നിർമ്മിച്ച 30 മിനിറ്റ് വരെയുള്ള ചിത്രങ്ങൾ പരിഗണിക്കും.തെരഞ്ഞെടുക്കപ്പെടുന്ന 15 ചിത്രങ്ങളാണ് മേളയിൽ പ്രദർശിപ്പിക്കുക. മികച്ച ഒന്നും രണ്ടും ചിത്രങ്ങൾക്ക്‌ യഥാക്രമം 10000,5000 രൂപയും ശിൽപവും നൽകും. എൻട്രികൾ
ജനുവരി 20 ന് മുൻപ് നേരിട്ടോ തപാലിലോ എത്തിക്കണം.
കൂടുതൽ വിവരങ്ങൾക്ക് 9645092512,8943219569 എന്നീ നമ്പറുകളിൽ ബന്ധപ്പെടാം.

കാഴ്ചകളുടെ സൗന്ദര്യവുമായി ഹൈറേഞ്ച്

കാഴ്ചകൾ കാണാനും അത് കണ്ണിലൂടെ ഹൃദയത്തിലേയ്ക്ക് പകർത്താനുമാണ് ഏവരും ശ്രമിക്കാറുളളത്. കാഴ്ച്ചകൾ ഇപ്പോഴും അനുഭൂതിയും സന്തോഷവുമാണ് മനസ്സിനു നൽകുന്നത്.
ദൈവം ജനിച്ച നാട് അന്വേഷിച്ചു പോകുന്ന ഒരു ഫോട്ടോഗ്രാഫറും, അയാളുടെ സ്വപ്നങ്ങളും, യാത്രകളിലൂടെ ഒരുക്കുകയാണ് ഹൈറേഞ്ച് എന്ന ഹ്രസ്വചിത്രത്തിൽ. അന്ധത തന്റെ കണ്ണുകളെ മറയ്ക്കുന്നതിനു മുൻപ് ദൈവം ജനിച്ച അതിമനോഹരമായ സ്ഥലം അന്വേഷിച്ചു പോകുന്ന ചെറുപ്പക്കാരൻ. മഞ്ഞും, മലനിരയും, പച്ചപ്പുമെല്ലാം നിശബ്ദമായി പ്രേക്ഷകരുമായി ഒരുപാട് കാര്യങ്ങൾ സംവാദിക്കുന്നു. കാഴ്ചയുടെ വസന്തമാണ് 18 മിനിറ്റ് ദൈർഘ്യമുളള ഈ ഹ്രസ്വചിത്രം.

ഇടുക്കിയുടെ അതിമനോഹരമായ സൗന്ദര്യം ഓരോ ഫ്രെയിമിലും ഒപ്പിയെടുക്കാൻ ശ്രെമിച്ചിരിക്കുന്നു. തൊടുപുഴയിലെ ഒരു കൂട്ടം യുവാക്കളാണ് ഹൈറേഞ്ച് തയ്യാറാക്കിയിരിക്കുന്നത്. മനു അഗസ്റ്റിന്റെ തിരക്കഥയിൽ അഖിൽദാസാണ് ഹ്രസ്വ ചിത്രം സംവിധാനം ചെയ്തിരിക്കുന്നു. ശരത് എസ് ശ്യാമും മോൻസൻ കുര്യനുമാണ് ഹ്രസ്വചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.ഷാനി തൊടുപുഴയാണ് ക്യാമറ.

96ന്റെ കന്നഡ പതിപ്പില്‍ തൃഷയുടെ റോളില്‍ ഭാവന

പ്രേക്ഷക ഹൃദയം കീഴടക്കിയ വിജയ് സേതുപതി-തൃഷ ടീമിൻറെ 96 ഇനി കന്നഡത്തിലേക്കും. തമിഴ്‌നാട്ടിലെന്ന പോലെ കേരളത്തിലും മികച്ച സ്വീകരണമായിരുന്നു ചിത്രത്തിന് ലഭിച്ചിരുന്നത്. ഹൈസ്‌ക്കൂളില്‍ ഒരുമിച്ചു പഠിച്ച രണ്ടു പേര്‍ 22 വര്‍ഷങ്ങള്‍ക്ക് ശേഷം കണ്ടുമുട്ടുന്നതാണ് ചിത്രത്തിന്റെ പ്രമേയം. കുറഞ്ഞ ബഡ്ജറ്റില്‍ നിര്‍മ്മിച്ച സിനിമ ബോക്‌സ് ഓഫീസില്‍നിന്നും മികച്ച കളക്ഷനാണ് നേടിയത്.

തമിഴില്‍ വന്‍വിജയമായ 96 ഇനി കന്നഡത്തിലേക്കും എത്തുകയാണ്. ചിത്രത്തിന് 99 എന്നാണ് പേരിട്ടിരിക്കുന്നത്. കന്നഡത്തിലെ ഗോള്‍ഡന്‍ സ്റ്റാര്‍ ഗണേശാണ് ചിത്രത്തില്‍ നായകവേഷമിടുന്നത്. വിജയ് സേതുപതിയുടെ വേഷം ഗണേഷ് അവതരിപ്പിക്കുമ്പോള്‍ തൃഷയുടെ റോള്‍ ഭാവന അവതരിപ്പിക്കുമെന്നാണ് വിവരം. വിവാഹ ശേഷം കന്നഡത്തിലായിരുന്നു നടി സജീവമായിരുന്നത്. റോമിയോ എന്ന ചിത്രത്തിനു ശേഷം ഗണേഷിനൊപ്പം ഭാവന വീണ്ടും ഒന്നിക്കുന്ന ചിത്രമാണിത്. പ്രീതം ഗബ്ബിയാണ് 96ന്റെ കന്നഡ റീമേക്ക് സംവിധാനം ചെയ്യുന്നത്. ജനുവരിയില്‍ ചിത്രത്തിന്റെ ഷൂട്ടിംഗ് ആരംഭിക്കും. അര്‍ജുന്‍ ജന്യ പാട്ടുകള്‍ ഒരുക്കുന്ന ചിത്രത്തിന് സന്തോഷ് റായ് പതാജേ ചായാഗ്രഹണം നിര്‍വ്വഹിക്കുന്നു. മാര്‍ച്ചില്‍ സിനിമ റിലീസിനെത്തും.

സമൂഹമാധ്യമങ്ങളിലെ താരം 
ഒടിയൻ മാണിക്യനും ഒടിവിദ്യയും.
ഒരേ സമയം 3500 സ്‌ക്രീനുകളിൽ..

ഒടിയൻ മലയാളി പ്രേക്ഷകരുടെ ഇടയിൽ തരംഗമായി മാറുകയാണ്.
നൂറ്റാണ്ടുകൾക്ക് മുമ്പുളള കഥായാണെങ്കിലും ഇപ്പോൾ സമൂഹമാധ്യമങ്ങളിലെ താരം ഒടിയൻ മാണിക്യനും ഒടി വിദ്യയും തന്നെ. ഇരുട്ടിന്റെ മറവിൽ പല രൂപത്തിലും ഭാവത്തിലുമെത്തി ജനങ്ങളെ കൊലപ്പെടുത്ത ഒരു ശക്തി. ഇതാണ് എല്ലാവരുടേയും മനസിലുളള ഒടിയൻ. ഇതിലൂടെ ഇയാളുടെ ലക്ഷ്യമെന്താണ്, എന്തിന് ഇങ്ങനെ ചെയ്യുന്നു എന്നിങ്ങനെ ഒട്ടനവധി ചോദ്യങ്ങളാണ് ജനങ്ങളുടെ മനസ്സിൽ ഉയരുന്നത്. ഈ ചോദ്യങ്ങളാണ് പ്രേക്ഷകരെ ഓടിയൻ ചിത്രത്തിലേയ്ക്ക് ആകർഷിക്കുന്നത്. എല്ലാവർക്കും അറിയേണ്ടത് ആരാണ് ഒടിയൻ. എന്താണ് ഇയാളുടെ ലക്ഷ്യം.

രാജ്യം കാത്തിരുന്ന ചിത്രം ഒടിയന്‍ തിയറ്ററിലേക്ക് എത്താന്‍ ദിവസങ്ങള്‍ മാത്രം ശേഷിക്കെ പുത്തന്‍ റെക്കോര്‍ഡ് സൃഷ്ടിച്ചിരിക്കുകയാണ് ചിത്രം. പുലിമുരുകന് ശേഷം 100 കോടി ക്ലബ്ബ് എന്ന ലക്ഷ്യത്തിലേക്ക് കുതിക്കാനൊരുങ്ങുന്ന ചിത്രം പ്രി റിലീസ് ബിസിനസിലൂടെ നിലവില്‍ 100 കോടി പിന്നിട്ടിരിക്കുകയാണ്. സംവിധായകന്‍ ശ്രീകുമാര്‍ മേനോനാണ് ഇക്കാര്യം പറഞ്ഞത്.. അദ്ദേഹത്തിന്റെ ട്വീറ്റ് ആരാധകര്‍ ഏറ്റെടുത്തിരിക്കുകയാണ്. മരണത്തിലൂടെ കരയിപ്പിച്ച താരങ്ങള്‍2. 018 ല്‍ ഇന്ത്യന്‍ സിനിമയ്ക്ക് നഷ്ടമായ പ്രതിഭകള്‍, കാണൂ, പ്രി റിലീസ് ബിസിനസില്‍ 100 കോടി നേടുന്ന മൂന്നാമത്തെ ദക്ഷിണേന്ത്യന്‍ ചിത്രമാണ് ഒടിയന്‍. ബാഹുബലി, 2.0 എന്നീ ചിത്രങ്ങളാണ് ഇതിന് മുന്‍പ് ഈ നേട്ടം കൈവരിച്ചത്. ചിത്രത്തിന്റെ വിതരണാവകാശങ്ങളും പ്രിബുക്കിംഗും കണക്കാക്കുന്ന തുകയാണ് ഇപ്പോള്‍ 100 കോടി പിന്നിട്ടിരിക്കുന്നത്. ഇന്ത്യന്‍ സിനിമ ചരിത്രത്തില്‍ ഈ നേട്ടം കൈവരിക്കുന്ന 11ാമത്തെ സിനിമയാണ് ഒടിയന്‍. ഒരേ സമയം വിദേശ രാജ്യങ്ങളിലടക്കം 3500 സ്‌ക്രീനുകളിലാണ് ചിത്രം പ്രദര്‍ശനത്തിനെത്തുന്നത്. 200ല്‍ അധികം ഫാന്‍സ് ഷോകളാണ് ആദ്യദിനം ആരാധകര്‍ ഒരുക്കിയിരിക്കുന്നത്.

ഗ്രാമവാസീസ്
ചിത്രീകരണം പൂർത്തിയായി

പാർവതി സിനിമാസിൻറെ ബാനറിൽ എൻ .എസ്.കുമാർ നിർമ്മിച്ച്‌, ബി.എൻ.ഷജീർ ഷാ സംവിധാനം ചെയ്യുന്ന ഗ്രാമവാസീസ് എന്ന ചിത്രത്തിൻറെ ഷൂട്ടിങ് പൂർത്തിയായി.

കഥ, തിരക്കഥ,സംഭാക്ഷണം നിതിൻ നാരായൺ,നർമ്മത്തിൽ പൊതിഞ്ഞ ഈ സസ്പെൻസ് ചിത്രത്തിൽ ഇന്ദ്രൻസ്,അസിസ് നെടുമങ്ങാട്,സന്തോഷ് കീഴാറ്റൂർ തുടങ്ങിയവർ അഭിനയിക്കുന്നു.

അടുക്കളയിൽ പണിയുണ്ട്

അടുത്ത ചോദ്യം