ശബരിമലയിൽ നിരോധനാജ്ഞ പ്രഖ്യാപിച്ചത്,കേന്ദ്ര ഉത്തരവിനെ തുടർന്നെന്ന് പിണറായി,

കണ്ണൂര്‍: ശബരിമലയിൽ നിരോധനാജ്ഞ പ്രഖ്യാപിക്കണമെന്ന് കേന്ദ്രം സംസ്ഥാന സർക്കാരിന് നിര്‍ദേശം നൽകിയെന്ന തെളിവുമായി മുഖ്യമന്ത്രി പിണറായി വിജയന്‍. കണ്ണൂരില്‍ വാർത്താ സമ്മേളനത്തിലാണ് കേന്ദ്ര സർക്കാരിൻറെ ഉത്തരവ് മുഖ്യമന്ത്രി ഉയര്‍ത്തി കാണിച്ചത്. തെളിവുണ്ടോ എന്ന ബി ജെ പിയുടെ ചോദ്യത്തിനാണ് മറുപടിയായി മുഖ്യമന്ത്രി ഉത്തരവ് പിന്നീട് വായിച്ചു.
ക്രമസമാധാന പ്രശ്നങ്ങള്‍ പരിഹരിക്കാന്‍ ശബരിമലയുടെ വെളിച്ചത്തില്‍ കൃത്യമായ നടപടി എടുക്കണമെന്ന് 11034/01/2018 ഐഎസ് ഐബിനമ്പറായി, കേന്ദ്ര അഭ്യന്തരമന്ത്രാലയം, അഭ്യന്തര സുരക്ഷ, ഫസ്റ്റ് ഡിവിഷൻറെ സര്‍ക്കുലറില്‍ പറയുന്നതാണ് പിണറായി വെളിപ്പെടുത്തിയത്.

ഞാന്‍ കളവ് പറയാറില്ല. നിങ്ങള്‍ ഇത് ചോദിക്കും എന്നതിനാലാണ് തെളിവുമായി വന്നത് എന്ന് മുഖ്യമന്ത്രി പറഞ്ഞു. കേരളത്തില്‍ വര്‍ഗ്ഗീയ ധ്രുവീകരണത്തിനാണ് ബിജെപി ശ്രമിക്കുന്നതെന്ന് മുഖ്യമന്ത്രി ആരോപിച്ചു.

Advertisements

ശ്രീലങ്കയിൽ സ്പോടനപരമ്പര, 162 മരണം,400 ലേറെ പേർക്ക് പരിക്ക്,

കൊളംബോ: ശ്രീലങ്കയുടെ തലസ്ഥാനമായ കൊളംബോയിലുണ്ടായ സ്ഫോടന പരമ്പരകളില്‍ മരണം 160 കവിഞ്ഞു. 400 ലേറെ പേർക്ക് പരിക്കുണ്ട്. കൊളംബോയിലെ മൂന്ന് പള്ളികളിലും മൂന്ന് പഞ്ചനക്ഷത്രഹോട്ടലുകളിലുമാണ് സ്ഫോടനമുണ്ടായത്. ഈസ്റ്ററുമായി ബന്ധപ്പെട്ട പ്രാർത്ഥനകൾക്കിടയിലാണ്
പള്ളികളിൽ സ്ഫോടനം ഉണ്ടായത്.

വിശ്വാസികളുടെ തിരക്ക് ഏറെ ഉണ്ടായിരുന്ന വടക്കന്‍ കൊളംബോയിലെ സെന്‍റ് സെബാസ്റ്റ്യന്‍ചർച്ചിലും,കിഴക്കന്‍ കൊളംബോയിലെ ബാറ്റികലോവ ചര്‍ച്ചിലും, കൊളംബോ നഗരത്തിലെ സെന്റ് ആന്‍റണീസ് ചര്‍ച്ചിലുമാണ് സ്പോടനം ഉണ്ടായത്. സെന്‍റ് സെബാസ്റ്റ്യന്‍ ചര്‍ച്ചിൽ പ്രാർത്ഥനക്കെത്തിയ അന്‍പതോളം പേരും ,ബാറ്റികലോവ ചര്‍ച്ചിൽ 25 പേരും മരിച്ചു.
കൊളംബോ നഗരത്തിലെ പ്രധാന പഞ്ചനക്ഷത്ര ഹോട്ടലുകളായ കിംഗ്സ്ബ്യുറി ഹോട്ടല്‍, ഷാഗ്രി ലാ കൊളംബോ, സിനിമോണ്‍ ഗ്രാന്‍ഡ് കൊളംബോ എന്നിവിടങ്ങളിലും സ്ഫോടനമുണ്ടായി.

രാവിലെയുണ്ടായ ആറ് സ്ഫോടനങ്ങളിലായി 160-ഓളം പേര്‍ കൊല്ലപ്പെട്ടതിന് പിന്നാലെ ഉച്ചയ്ക്ക് ശേഷം വീണ്ടും രണ്ട് സ്ഫോടനങ്ങള്‍ ഉണ്ടായതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തിട്ടുണ്ട്.ഇതിൽ രണ്ടുപേർ മരിച്ചു. സ്പോടനങ്ങളിൽ ഒരു മലയാളി മരിച്ചതായും റിപ്പോർട്ടുണ്ട്. കാസര്‍ഗോഡ് മെഗ്രാല്‍ പുത്തൂര്‍ സ്വദേശിനിയായ റസീന ആണ് മരണപെട്ടത്‌ . ശ്രീലങ്കയില്‍ ബന്ധുക്കളെ കാണാനാഎത്തിതായിരുന്നു ഇവര്‍
ദെയവാല മൃഗശാലയ്ക്ക് സമീപത്തുള്ള ഒരു ഹോട്ടലിലാണ് ഉച്ചയ്ക്ക് ശേഷം ബോംബ് സ്ഫോടനമുണ്ടായത്. സ്ഫോടനത്തില്‍ രണ്ട് പേര്‍ കൊല്ലപ്പെട്ടതായി ബിബിസി റിപ്പോര്‍ട്ട് ചെയ്തു.

സ്ഫോടനം തുടരുന്ന സാഹചര്യത്തില്‍ ശ്രീലങ്കൻ സർക്കാർ രാജ്യത്ത് കര്‍ഫ്യൂ പ്രഖ്യാപിച്ചു. സ്ഫോടനത്തില്‍ പങ്കുണ്ടെന്ന് സംശയിക്കുന്ന ഒരാളെ പൊലീസ് കസ്റ്റഡിയില്‍ എടുത്തിട്ടുമുണ്ട്. ബോംബ് സ്ഫോടനപാരമ്പരകൾക്കെ പിന്നാലെ പിന്നാലെ ദെയവാലയില്‍ സംഘര്‍ഷം പൊട്ടിപ്പുറപ്പെട്ടതായിഓൺലൈൻ പത്രങ്ങൾ റിപ്പോർട്ട് ചെയ്തു .രാജ്യത്തെ സാമൂഹിക മാധ്യമങ്ങള്‍ സര്‍ക്കാര്‍ താത്കാലികമായി നിര്‍ത്തി വച്ചിട്ടുമുണ്ട്.

അമേഠിയിലെ രാഹുലിൻറെ നാമനിർദ്ദേശപത്രികയുടെ സൂക്ഷ്മപരിശോധന മാറ്റി.

ലക്നൗ:കോൺഗ്രസ് അധ്യക്ഷൻ ജനവിധി തേടുന്ന അമേഠിയിലെ രാഹുൽ ഗാന്ധിയുടെ നാമനിർദ്ദേശപത്രികയുടെ സൂക്ഷ്മപരിശോധന മാറ്റി വച്ചു. രാഹുലിന്റെ പൗരത്വം സംബന്ധിച്ച് സ്വതന്ത്ര സ്ഥാനാർഥിയുടെ പരാതിയെ തുടർന്നാണിത്. 22ലേക്കാണ് പരിശോധന മാറ്റിയിരിക്കുന്നത്.
രാഹുൽ ഗാന്ധിയുടെ പൗരത്വം സംബന്ധിച്ചും, വിദ്യാഭ്യാസ യോഗ്യതയെക്കുറിച്ചും,സ്വതന്ത്ര സ്ഥാനാർഥിയായ ധ്രുവ് ലാൽ എഴുതി നൽകിയ പരാതിയെ തുടർന്നാണ് സൂക്ഷ്മപരിശോധന മാറ്റിയതെന്നാണ് അമേഠിയിലെ റിട്ടേണിങ് ഓഫീസർ നൽകിയിരിക്കുന്ന വിശദീകരണം.
രാഹുല്‍ഗാന്ധി സമര്‍പ്പിച്ച സത്യവാങ്മൂലത്തില്‍ ഗുരുതരപിഴവുകളുണ്ടെന്നാണ് ധ്രുവ് ലാൽ ആരോപിക്കുന്നത്. ബ്രിട്ടന്‍ ആസ്ഥാനമായി രജിസ്റ്റര്‍ ചെയ്ത കമ്പനിയുടെ വിവരങ്ങളില്‍ രാഹുല്‍ ഗാന്ധി ബ്രിട്ടന്‍ പൗരനാണെന്നാണ് രേഖപ്പെടുത്തിയിരിക്കുന്നത്. ഇന്ത്യന്‍ പൗരനല്ലാത്ത ഒരാള്‍ക്ക് തിരഞ്ഞെടുപ്പില്‍ മത്സരിക്കാന്‍ കഴിയില്ലെന്നും ധ്രുവ് ലാൽ ആരോപിക്കുന്നുണ്ട്. മെയ് ആറിനാണ് അമേഠിയിൽ വോട്ടെടുപ്പ് നടക്കുന്നത്.

പ്രിയങ്ക വയനാടിനെ ഇളക്കിമറിച്ചു, കർഷകരുടെ കടങ്ങൾ എഴുതിത്തള്ളുമെന്ന് പ്രഖ്യാപിച്ചു,

മാനന്തവാടി :പ്രചാരണം അവസാനിക്കാൻ മണിക്കൂറുകൾ മാത്രം ബാക്കി നിൽക്കെ കോൺഗ്രസ് അധ്യക്ഷൻ രാഹുൽഗാന്ധി ജനവിധിതേടുന്ന വയനാട് ലോക്സഭ മണ്ഡലം സഹോദരിയും എഐസിസി ജനറൽ സെക്രട്ടറിയുമായ പ്രിയങ്ക ഗാന്ധി ഇളക്കിമറിക്കുക തന്നെ ചെയ്തു. കർഷകർക്ക് പ്രതീക്ഷകൾ നൽകുന്ന പ്രഖ്യാപനങ്ങൾക്കൊപ്പം , അവരോടു നേരിട്ട് സംവാദങ്ങൾ നടത്തി വണ്ടൂർ,മാനന്തവാടി,പുൽപ്പള്ളി, നിലമ്പൂർ, എന്നിവിടങ്ങളിൽ നടന്ന തെരഞ്ഞെടുപ്പ് യോഗങ്ങളിലൂടെ പ്രചാരണത്തിൻറെ അവസാനഘട്ടത്തിൽ കോൺഗ്രസിനെ ബഹുദൂരം എത്തിക്കുകയായിരുന്നു.

യുപിഎ അധികാരത്തിലെത്തിയാൽ കർഷകരുടെ കടങ്ങൾ എഴുതിത്തള്ളുമെന്ന് എഐസിസി ജനറൽ സെക്രട്ടറി പ്രിയങ്ക ഗാന്ധി തെരെഞ്ഞെടുപ്പ് യോഗങ്ങളിൽ പ്രഖ്യാപിച്ചു. വൻകിടക്കാരുടെ കടങ്ങൾ എഴുതിത്തള്ളുന്ന മോദി സർക്കാരിന് കർഷകരുടെ നിലവിളി കേൾക്കാനാകുന്നില്ലെന്നാണ് വണ്ടൂരിൽ പറഞ്ഞത്. ഇത്രയും ദുർബലനായൊരു പ്രധാനമന്ത്രിയും ഇത്രയും ദുർബലമായൊരു കേന്ദ്ര സക്കാരും ഇന്നോളമുണ്ടായിട്ടില്ലെന്ന് പറഞ്ഞ പ്രിയങ്ക, കർഷകരുടെ പ്രശ്നങ്ങള്‍ കേൾക്കാൻ മോദിക്ക് സമയമില്ലെന്നും പറഞ്ഞു. വയനാട്ടിലെ കാപ്പി കർഷകരുടെയും കുരുമുളക് കർഷകരുടെയും പ്രയാസം തനിക്കറിയാമെന്ന് പുൽപ്പളളിയിൽ നടന്ന കർഷക സംഗമത്തിൽ സംസാരിക്കവെ അവർ പറഞ്ഞു.

വയനാട് മണ്ഡലത്തിലെ വിവിധയിടങ്ങളിൽ പര്യടനം നടത്തുന്നതിനിടെ പ്രിയങ്ക പ്രധാനമന്ത്രിക്കും ബിജെപിക്കുമെതിരെ രൂക്ഷമായ വിമര്‍ശനങ്ങളാണ് ഉന്നയിച്ചത്. മണ്ഡലത്തിലുടനീളം സഞ്ചരിച്ച പ്രിയങ്കയ്ക്ക് വോട്ടർമാർ ആവേശോജ്വലമായ വരവേൽപാണ് നൽകിയത്..

സ്വന്തം സർക്കാറുള്ളപ്പോൾ കർഷക സമരം നയിച്ച രാഹുൽ കർഷകർക്കൊപ്പമുണ്ടാകുമെന്ന് മാനന്തവാടി വള്ളിയൂർക്കാവിൽ നടന്ന പൊതുയോഗത്തിൽ ഉറപ്പുനൽകി. ഞാൻ എന്റെ സഹോദരനെ നിങ്ങളെ ഏൽപ്പിക്കുകയാണ്. നിങ്ങൾ രാഹുലിനെ വിജയിപ്പിക്കുമെന്നു ഉറപ്പുണ്ടെന്നും പ്രിയങ്ക മാന്തവാടിയിൽ വോട്ടർമാരോട് പറഞ്ഞു.

നീതി നിഷേധിച്ചത് മുഖ്യമന്ത്രിയാണെന്ന് രമ്യ ഹരിദാസ്

തൃശൂര്‍ : മുഖ്യമന്ത്രി പിണറായി വിജയനെതിരെ ആരോപണവുമായി ആലത്തൂരിലെ യുഡിഎഫ് സ്ഥാനാര്‍ത്ഥി രമ്യ ഹരിദാസ്. തനിക്ക് നീതി നിഷേധിച്ചത് മുഖ്യമന്ത്രിയാണെന്നാണ് രമ്യ ആരോപിക്കുന്നത്. എ വിജയരാഘവനെതിരായ പരാതിയിൽ കേസെടുക്കാൻ പൊലീസിന് കിട്ടിയ നിയമോപദേശം മുഖ്യമന്ത്രി ഇടപെട്ടാണ് മാറ്റിയതെന്ന് രമ്യ ഹരിദാസ് ആരോപിച്ചു.

ഡിജിപി മുഖ്യമന്ത്രിയുടെ ഓഫീസിലെ തൂപ്പുകാരന്‍റെ നിലവാരത്തിലേക്ക് താരം താഴ്ന്നു.
ഇനി കോടതിയിൽ മാത്രമാണ് പ്രതീക്ഷയെന്നും രമ്യ ഹരിദാസ് പറഞ്ഞു.
അതേസമയം, പൊലീസിലെ നീതി രക്തത്തിലെ രാഷ്ട്രീയം നോക്കിയാണോ എന്ന് ചിന്തിച്ചുപോകുന്നതരത്തിലാണ് സമീപ കാല സംഭവങ്ങൾ വിരൽ ചൂണ്ടുന്നത്. എം കെ രാഘവനെതിരായ ഒളിക്യമാറാ വിവാദത്തില്‍ പൊലീസ് നടത്തിയ പ്രാഥമിക അന്വേഷണത്തെ തുടർന്ന് ആധികാരികത തെളിയിക്കണമെങ്കില്‍ ശാസ്ത്രീയ പരിശോധന വേണമെന്നും ഇതിന് കേസെടുക്കേണ്ടതുണ്ടെന്നും പോലീസിന്റെ റിപ്പോർട്ട് ഒരു വശത്ത്. രമ്യ ഹാരിസിനെ അധിക്ഷേപിച്ച കാര്യത്തിൽ എ വിജരാഘവനെതിരെ കേസെടുക്കേണ്ടതില്ലെന്ന് പറയുന്നത് മറുവശത്ത് .പൊലീസിലെ നീതി രക്തത്തിലെ രാഷ്ട്രീയം നോക്കിയാണോ ചെയ്യേണ്ടത്.

നെല്ല് സംഭരണം, മുല്ലുടമകൾക്ക് ഇളവനുവദിച്ചതിനു പിന്നിൽ വൻ അഴിമതി,മായം കണ്ടെത്തിയിരുന്നെന്ന് മന്ത്രി,

തിരുവനന്തപുരം:പ്രതിപക്ഷ നേതാവ് രമേശ് ചെന്നിത്തല മുല്ലുടമകൾക്കു ഇളവനുവദിച്ചതിനു പിന്നിൽ
വാൻ അഴിമതിയെന്ന് ആരോപണം. ഒരു ക്വിന്‍റൽ നെല്ല് സംഭരിച്ചാൽ 67 ശതമാനം അരിയാക്കി നല്‍കണമെന്ന കരാറില്‍ മാറ്റം വരുത്തിയത്തിനു പിന്നിലാണ് പിന്നാമ്പുറകളി നടന്നത്.
ഒരു ക്വിന്‍റൽ നെല്ല് സംഭരിച്ചാൽ അത് 67 ശതമാനം അരിയാക്കി സിവില്‍ സപ്ലൈസ് കോര്‍പറേഷൻ അടക്കമുള്ള പുറം മാര്‍ക്കറ്റുകളിലേക്ക് നല്‍കണമെന്ന കരാർ യുഡിഎഫ് സര്‍ക്കാരിന്‍റെ കാലത്താണ് ഉണ്ടാക്കിയത്. എല്‍ഡിഎഫ് സര്‍ക്കാര്‍ അത് 64.5 ശതമാനമാക്കി കുറക്കുകയായിരുന്നു.പുതിയ കരാർ പ്രകാരം ഒരു ക്വിൻറലിന് മൂന്നര കിലോ അരി മില്ലുടമൾക്ക് ലഭിക്കും. ഒരു ക്വിൻറലിന് 120 രൂപ മില്ലുടന്മകൾക്കു കിട്ടും.
ഈ സീസണില്‍ സംഭരിച്ച 51 ലക്ഷം കിലോ നെല്ലുമായി തട്ടിച്ച് നോക്കിയാൽ, കോടിക്കണക്കിനു രൂപ യാണ് മില്ലുടമകളുടെ കീശകളിലെത്തുന്നത്.
ഇതുസംബന്ധിച്ച ആരോപണങ്ങൾക്ക് വിഡ്ഢിത്തരം നിറഞ്ഞ മറുപടിയാണ് ഭക്ഷ്യമന്ത്രിയുടേതായി പുറത്ത് വന്നത്. മില്ലുടമകൾ നല്‍കിയിരുന്ന അരിയില്‍ മായം കണ്ടെത്തിയിരുന്നെന്നും, ഇത് ഒഴിവാക്കാനാണ് നടപടിയെടുത്തതെന്നുമാണ്‌ മന്ത്രി പറഞ്ഞിരിക്കുന്നത്. മായം ചേർക്കൽ കണ്ടെത്തിയെങ്കിൽ നടപടിയെടുക്കേണ്ടതിനു പകരം മില്ലുടമകൾക്കു കൂടുതൽ സഹായം ചെയ്തുകൊടുക്കുന്ന നടപടിയാണ് ഭക്ഷ്യമന്ത്രിയുടെ ഭാഗത്തുനിന്ന് ഉണ്ടായത്. നെല്ല് സംഭരണത്തില്‍ പ്രശ്നങ്ങളും പരാതികളും ഉണ്ടായതോടെ ഒരു കമ്മിറ്റിയെ നിയോഗിച്ച് പഠനം നടത്തിയെന്നും ഭക്ഷ്യമന്ത്രി പറയുന്നു. മില്ലുടമകൾ നല്‍കിയിരുന്ന അരിയില്‍ മായം കണ്ടെത്തിഎന്നുപറയുന്ന മന്ത്രി മില്ലുടമകൾക്കെതിരെ യാതൊരു നടപടികളും സ്വീകരിച്ചില്ലെന്നതും
വസ്തുതയാവുകയാണ്.

ഒരു ക്വിന്‍റൽ നെല്ല് സംഭരിച്ചാൽ 67 ശതമാനം അരിയാക്കി നല്‍കണമെന്ന കരാറില്‍ മാറ്റം വരുത്തിയത് കമ്മീഷൻ തട്ടാനാണെന്നാണെന്നാണ് രമേശ് ചെന്നിത്തല ആരോപിക്കുന്നത്. ഗുണമേന്മയുള്ള അരി ലഭ്യമാക്കാനാണ് കരാറില്‍ മാറ്റം വരുത്തിയതെന്ന്ഭക്ഷ്യമന്ത്രി പറയുന്നത് തെറ്റാണെന്നും രമേശ് പ്രതികരിച്ചിട്ടുണ്ട്. ഇതിലൂടെ മില്ലുടമകൾക്കുണ്ടാകുന്ന ലാഭമെത്ര കോടിക്കണക്കിന് രൂപയാണെന്നു ചോദിക്കുന്ന രമേശ്,തെ രഞ്ഞെടുപ്പിനുള്ള ഫണ്ട് ഇടതുമുന്നണി മില്ലുടമകളിൽ നിന്ന് ശേഖരിച്ചെന്നും ആരോപണംഉന്നയിക്കുന്നുണ്ട്.

രാഘവനെതിരെ കേസെടുക്കണമെന്ന് പൊലീസിൻറെ റിപ്പോര്‍ട്ട്, ഭരണവ്യവഹാരങ്ങളെ സിപിഎം ദുരുപയോഗം ചെയ്യുന്നെന്ന് രമേശ് ചെന്നിത്തല

കോഴിക്കോട്: ഒളിക്യാമറാ വിവാദത്തില്‍ കോഴിക്കോട്ടെ യു ഡി എഫ് സ്ഥാനാർഥി എം കെ രാഘവനെതിരെ കേസെടുക്കണമെന്ന് പൊലീസിൻറെ റിപ്പോര്‍ട്ട്. ഡി ജി പി ലോക്‌നാഥ് ബെഹ്‌റ അഡ്വക്കേറ്റ് ജനറലിനോട് ഇക്കാര്യത്തിൽ നിയമോപദേശം തേടിയിരിക്കുകയാണ്. ദൃശ്യങ്ങള്‍ ശാസ്ത്രീയ പരിശോധന നടത്തണമെങ്കില്‍ കേസെടുക്കണമെന്നാണ് പൊലീസ് റിപ്പോര്‍ട്ടിൽ പറയുന്നത്. കോഴിക്കോട് എസിപി പി വാഹിദ് നടത്തിയ അന്വേഷണത്തില്‍ കണ്ണൂര്‍ റേഞ്ച് ഐ ജി എം ആര്‍ അജിത്കുമാറാണ് ഡിജിപി ലോക്‌നാഥ് ബെഹ്‌റക്ക് ഇതുസംബന്ധിച്ച റിപ്പോര്‍ട്ട് നല്‍കിയിരിക്കുന്നത്.

എം കെ രാഘവനെതിരായ ഒളിക്യമാറാ വിവാദത്തില്‍ പൊലീസ് നടത്തിയ പ്രാഥമിക അന്വേഷണത്തിലാണ് കേസെടുക്കണമെന്ന റിപ്പോര്‍ട്ട്അടങ്ങിയിരിക്കുന്നത്. പ്രാഥമിക പരിശോധനയില്‍ ദൃശ്യങ്ങള്‍ വ്യാജമല്ലെന്ന് വ്യക്തമാഎന്ന് പറയുന്ന റിപ്പോർട്ടിൽ തന്നെ, ആധികാരികത തെളിയിക്കണമെങ്കില്‍ ശാസ്ത്രീയ പരിശോധന വേണമെന്നും ഇതിന് കേസെടുക്കേണ്ടതുണ്ടെന്നും റിപ്പോര്‍ട്ട് പറയുന്നു.
അതേസമയം ഒളിക്യാമറാ വിവാദത്തിൽ കോഴിക്കോട്ടെ യുഡിഎഫ് സ്ഥാനാത്ഥി എം കെ രാഘവനെതിരെ കേസെടുക്കണമെന്ന കണ്ണൂർ റേഞ്ച് ഐജിയുടെ റിപ്പോർട്ടിനെതിരെ രൂക്ഷ വിമശനവുമായി പ്രതിപക്ഷ നേതാവ് രമേശ് ചെന്നിത്തല രംഗത്തെത്തി . ഭരണവ്യവഹാരങ്ങളെ സിപിഎം ദുരുപയോഗം ചെയ്യുകയാണെന്നും, പൊലീസിനെ ഉപയോഗിച്ചുകൊണ്ട് എം കെ രാഘവനെ അപകീർത്തിപ്പെടുത്തി തെരഞ്ഞെടുപ്പിൽ നേട്ടമുണ്ടാക്കാനുള്ള സിപിഎമ്മിന്‍റെ നീക്കത്തിനെതിരെ തെരഞ്ഞെടുപ്പ് കമ്മീഷന് പരാതി നൽകുമെന്നും രമേശ് ചെന്നിത്തല കണ്ണൂരിൽ പറയുകയുണ്ടായി. എം കെ രാഘവനെ വേട്ടയാടുന്ന പൊലീസ്, സ്ത്രീത്വത്തെ അപമാനിക്കുന്ന തരത്തിൽ ആലത്തൂരിലെ യുഡിഎഫ് സ്ഥാനാർത്ഥി രമ്യാ ഹരിദാസിനെ അധിക്ഷേപിച്ച എൽഡിഎഫ് കൺവീനർക്കെതിരെ നടപടിയെടുക്കാൻ തയ്യറാകുന്നില്ലെന്നും രമേശ് കുറ്റപ്പെടുത്തുന്നുണ്ട്.

പ്രതിപക്ഷ നേതാവ് എന്ന നിലയിൽ താൻ ഡിജിപിക്ക് നേരിട്ട് നൽകിയ പരാതി പോലും പരിഗണിച്ചില്ല. അങ്ങേയറ്റം മോശമായ പരാമർശം നടത്തിയ എ വിജരാഘവനെതിരെ കേസെടുക്കേണ്ടതില്ലെന്ന് പറയുന്നത് എന്തിന്‍റെ അടിസ്ഥാനത്തിലാണെന്നും രമേശ് ചെന്നിത്തല ചോദിച്ചു. കണ്ണൂരിലെ യുഡിഎഫ് സ്ഥാനർത്ഥി കെ സുധാകരനെതിരെ വനിതാ കമ്മീഷൻ സ്വമേധയാ കെസെടുത്തതും രാഷ്ട്രീയ ലക്ഷ്യങ്ങളോടെയാണെന്നും പ്രതിപക്ഷ നേതാവ് കുറ്റപ്പെടുത്തി.

പൊലീസിനെ ഉപയോഗിച്ചുകൊണ്ട് സിപിഎം, എം കെ രാഘവനെ വേട്ടയാടുകയാണ്. വിവാദത്തിൽ ഡിജിപി ലോക്നാഥ് ബെഹ്റ ഡയറക്ടർ ജനറൽ ഓഫ് പ്രോസിക്യൂഷനോട് നിയമോപദേശം തേടിയെന്ന വാർത്ത പുറത്തുവന്നതിന് പിന്നിൽ വലിയ ഗൂഢാലോചനയുണ്ട്. എം കെ രാഘവനെ മോശക്കാരാനായി ചിത്രീകരിക്കാനുള്ള ശ്രമങ്ങളെ അംഗീകരിക്കാനാകില്ലെന്നും ചെന്നിത്തല പറഞ്ഞു.പൊലീസിനെ ദുരുപയോഗം ചെയ്ത് രാഷ്ട്രീയ നേട്ടമുണ്ടാക്കാനുള്ള നടപടിക്കെതിരെ നിയമപരമായി മുന്നോട്ടുപോകുമെന്നും സ്ഥാനാർത്ഥികളെ തേജോവധം ചെയ്യാനുള്ള നീക്കങ്ങളെ ചെറുക്കുമെന്നും പ്രതിപക്ഷ നേതാവ് പറഞ്ഞിട്ടുണ്ട്.

« Older Entries Recent Entries »