Tag Archives: latestmalayalam news

ചീഫ് ജസ്റ്റിസിനെതിരായ ഗൂഢാലോചനക്കേസ് ജുഡീഷ്യൽ മേൽനോട്ടത്തിൽ അന്വേഷിക്കും,

ന്യൂ ഡൽഹി: ചീഫ് ജസ്റ്റിസിനെതിരായ ഗൂഢാലോചനക്കേസ് ജുഡീഷ്യൽ മേൽനോട്ടത്തിൽ അന്വേഷിക്കാൻ സുപ്രീം കോടതിയുടെ ഉത്തരവ്. വിരമിച്ച ജസ്റ്റിസ് എ കെ പട്‍നായികിന്‍റെ നേതൃത്വത്തിലാണ് അന്വേഷണം നടത്തുക. സിബിഐ, ഐബി, ദില്ലി പോലീസ് എന്നിവര്‍ അന്വേഷണത്തിന് സഹായിക്കണമെന്നു നിദ്ദേശിച്ച കോടതി അന്വേഷണ റിപ്പോര്‍ട്ട് സീൽ വച്ച കവറിൽ സമര്‍പ്പിക്കാനും നിര്‍ദ്ദേശിച്ചിട്ടുണ്ട്.

കേസ് രാവിലെ പരിഗണിച്ചപ്പോൾ ചീഫ് ജസ്റ്റിസിനെതിരെയുള്ള ഗൂഢാലോചനയിൽ തന്നെ സ്വാധീനിക്കാൻ ഒന്നരക്കോടി വാഗ്ദാനം ചെയ്തതിന്‍റെ തെളിവാണെന്നു പറഞ്ഞു ഒരു സീൽ വച്ച കവർ അഭിഭാഷകൻ ഉത്സവ് ബെയ്‍ൻസ് സുപ്രീംകോടതിക്ക് നൽകിയിരുന്നു. സത്യവാങ്മൂലത്തിൽ വസ്തുതയുണ്ടോ എന്നാണ് ആദ്യം അന്വേഷിക്കേണ്ടതെന്നും, തെളിവുകളും അവകാശവാദങ്ങളും സത്യമാണോ എന്ന് പരിശോധിക്കണമെന്നും പറഞ്ഞ കോടതി ഏകെ പട്നായിക് നൽകുന്ന ആ റിപ്പോര്‍ട്ടിന്റെ അടിസ്ഥാനത്തിലായിരിക്കും ബാക്കി അന്വേഷണമെന്നാണ് പറഞ്ഞത്. പരാതിക്കാരി ചീഫ് ജസ്റ്റിസിനെതിരെ ഉന്നയിച്ച ലൈംഗിക പീഡനാരോപണം ഈ അന്വേഷണത്തിന്‍റെ പരിധിയിൽ വരില്ലെന്നാണ് കോടതി പറഞ്ഞത്. നാളെ രാവിലെ മുതൽ ജസ്റ്റിസ് എസ് എ ബോബ്‍ഡെ അദ്ധ്യക്ഷനായ മൂന്നംഗ ബഞ്ചിന് മുമ്പാകെ ഹാജരായി പരാതിക്കാരി തെളിവ് നൽകണമെന്നും സുപ്രീംകോടതി ഉത്തരവിട്ടു.
അതേസമയം ലൈംഗിക പീഡന ആരോപണത്തിൽ സുപ്രീംകോടതി ചീഫ് ജസ്റ്റിസിന്റെ നടപടികൾ ശരിയല്ലെന്ന് ഹൈക്കോടതി മുൻ ജഡ്ജി ജസ്റ്റിസ് കെമാൽ പാഷ അഭിപ്രായപ്പെട്ടു . അരോപണവിധേയന്‍ തന്നെ പരാതി പരിഗണിച്ചത് തെറ്റായ നടപടിയാണ്. ഫുൾകോർട്ട് ആണ് പരാതി പരിഗണിക്കേണ്ടിയിരുന്നത്. കോടതിയില്‍ ജനങ്ങള്‍ക്ക് വിശ്വാസം നഷ്ടപ്പെടുത്തുന്ന തരത്തില്‍ ജഡ്ജിമാര്‍ പ്രവര്‍ത്തിക്കരുത്. കെമാല്‍ പാഷ ഒരു ചാനലിന് പറഞ്ഞു.

ചീഫ് ജസ്റ്റിസിനെ ലൈംഗികാരോപണത്തിൽ കുടുക്കാൻ ഗൂഡാലോചന ഉണ്ടെന്ന അഭിഭാഷകൻ ഉത്സവ് ബയൻസിന്റെ ആരോപണത്തില്‍ സുപ്രീം കോടതി അന്വേഷണം പ്രഖ്യാപിക്കുന്നതിനു മുൻപ് സി ബി ഐ ,ഐ ബി, ഡൽഹി പൊലീസ് ഉദ്യോഗസ്ഥരുമായി ജഡ്‌ജ്‌മാർ ചർച്ച നടത്തിയിരുന്നു. അതേസമയം അന്വേഷണത്തിന് വിരമിച്ച ജഡ്ജിമാരുടെ ആറംഗ പ്രത്യേക സമിതി രൂപീകരിക്കണമെന്നും തന്റെ പരാതി കൈകാര്യം ചെയ്യുന്നതില്‍ ആശങ്കയുണ്ടെന്നും പരാതിക്കാരി പരാജിക്കുന്നതാണ്. കേസിൽ അനുകൂല വിധി കിട്ടാത്ത ചില ‘ഫിക്സർ’മാർ ചീഫ് ജസ്റ്റിസിനെതിരായി ഗുരുതരമായ പരാതി ഉന്നയിച്ചതെന്നതിന് ‘തെളിവു’മായി ആരോപണം ഉന്നയിച്ച അഭിഭാഷകൻ ഉത്സവ് ബെയ്‍ൻസ് സുപ്രീംകോടതിയിൽ പുതിയ സത്യവാങ്മൂലം നൽകിയിരുന്നു.

അനുകൂല വിധി കിട്ടാതെ വന്ന ചില കോർപ്പറേറ്റ് കമ്പനികളുടെ പ്രതിനിധികൾ സുപ്രീംകോടതിയിൽ നിന്ന് നേരത്തേ അച്ചടക്ക നടപടി നേരിട്ട ഉദ്യോഗസ്ഥരുമായി ചേർന്ന് നടത്തിയ ഗൂഢാലോചനയാണിതെന്നാണ് ഉത്സവ് ബെയ്‍ൻസിന്‍റെ സത്യവാങ്മൂലത്തിൽ പറഞ്ഞിരുന്നത്. ചീഫ് ജസ്റ്റിസിനെ രാജി വെപ്പിക്കാനുള്ള ഗൂഢനീക്കത്തിന്‍റെ ഭാഗമായാണ് ലൈംഗികാരോപണം ഉയർത്തിയത്. തപൻ കുമാർ ചക്രബർത്തി, മാനവ് ശർമ എന്നിവരുടെ പേരുകൾ ഉത്സവ് ബെയ്‍ൻസ് ഇക്കാര്യത്തിൽ എടുത്തു പറഞ്ഞിട്ടുണ്ട്. നേരത്തേ എറിക്സൺ കമ്പനി നൽകിയ കോടതിയലക്ഷ്യക്കേസിൽ അനിൽ അംബാനി നേരിട്ട് ഹാജരാകണമെന്ന സുപ്രീംകോടതി ഉത്തരവ് തിരുത്തിയ കോർട്ട് മാസ്റ്ററും സ്റ്റെനോഗ്രാഫറുമാണ് തപൻ കുമാറും മാനവ് ശർമയും എന്നതാണ് ശ്രദ്ധേയം. തെളിവുകൾ പുതിയ സത്യവാങ്മൂലമായി സമർപ്പിക്കാൻ ഉത്സവ് ബെയ്‍ൻസിനോട് കോടതി ആവശ്യപ്പെട്ടതിനെ തുടർന്നാണ്, ഉത്സവ് ബെയ്ൻസ് കോടതിയിൽ സത്യവാങ്മൂലം മുദ്ര വച്ച കവറിൽ സമർപ്പിക്കുന്നത്.

Advertisements

കല്ലടക്കാരൻറെ വികൃതികൾ വൈറലാവുകയാണ്,


കൊല്ലം : കല്ലടക്കാരൻറെ വികൃതികൾ സോഷ്യൽ മീഡിയയിൽ വൈറലാവുകയാണ്. യുവാക്കളെ മർദ്ദിച്ചതിനെ തുടർന്ന് അന്തർസംസ്ഥാന സർവീസ് നടത്തുന്ന ബസ്സുകളുടെ നിയമ ലംഘനങ്ങൾക്കെതിരെ സർക്കാർ കടുത്ത നടപടികൾ സ്വീകരിക്കുന്നതിനിടയിലാണ് കല്ലടക്കാരൻറെ മാഭിയ സംഘത്തിനെതിരെയുള്ള തെളിവ് സഹിതമുള്ള വീഡിയോ ദൃശ്യം വൈറലായിരിക്കുന്നത്.
സോഷ്യല്‍ മീഡിയയില്‍ വൈറലാകുന്ന വീഡിയോ ആരെയും ഞെട്ടിപ്പിക്കുന്നതാണ്. മൊബൈല്‍ ഫോണില്‍ നോക്കിആസ്വദിച്ച് ഡ്രൈവർസാർ ബസ് ഓടിക്കുന്ന വീഡിയോ ദൃശ്യമാണിത്. അതും അര്‍ദ്ധരാത്രിയില്‍ നടുറോഡിലൂടെ ബസ് ചീറിപ്പാഞ്ഞുപോകുന്നതിനിടയിലാണ് ഡ്രൈവർ സാറിന്റെ ഈ അഭ്യാസം. കഴിഞ്ഞ മാസം ആദ്യം ആന്റോ ജോസ് എന്ന യുവാവ് ഫെയ്‍സ് ബുക്കില്‍ ഇട്ട പോസ്റ്റാണ് ഇപ്പോള്‍ വൈറലാകുന്നത്. പരുക്കന്‍ ഡ്രൈവിംഗിനെ തുടര്‍ന്ന് ഉറക്കം കിട്ടാതായപ്പോള്‍ ഡ്രൈവറുടെ കാബിന് സമീപത്തേക്ക് എത്തിയപ്പോഴാണ് യുവാവ് ഞെട്ടിക്കുന്ന ഈ കാഴ്ച കണ്ടത്. മൊബൈല്‍ ഫോണില്‍ മെസേജ് അയച്ചും മറ്റും വണ്ടി ഓടിക്കുകയായിരുന്നു ഡ്രൈവർ.

പത്തനംതിട്ട-ബാംഗ്ലൂർ റൂട്ടിൽ കല്ലട ബസ് ഞാൻ ബാംഗ്ലൂർ യാത്ര ചെയ്യുന്നു. ഇന്ന് ബസ് നിറഞ്ഞു പോയി. രാഷ്ട്രീയ ഡ്രൈവിംഗ് കാരണം ഉള്ളിൽ ഉറങ്ങാൻ പറ്റിയില്ല എന്ന് ഞാൻ മുന്നിൽ വന്നു. ഇത് ഞാൻ കുറച്ചു നേരം ഇവിടെ ഇരുന്നു സാക്ഷാൽ സാക്ഷാൽ. ഇത് അതിന്റെ seriousness അതോറിറ്റി എത്തിക്കാൻ ആർക്കെങ്കിലും കഴിയുമോ എന്ന് ഞാൻ ആഗ്രഹിക്കുന്നു. ഡ്രൈവർ വളരെ careless ആണ്, യാത്രക്കാർ പോലും കേൾവി, ഒരു മുതിർന്ന സ്ത്രീ പോലും ക്യാബിൻ വന്നു, സ്പീഡ് കുറക്കാൻ പറഞ്ഞു.

ആന്റോ ജോസ് മാർച്ച് മൂന്നിനിട്ട ഫേസ് ബുക്ക് പോസ്റ്റിൽ ഇങ്ങനെ പറയുന്നു.ഒപ്പം വിഡിയോയും,

അന്തർസംസ്ഥാന ബസുകളിൽ ജൂൺ ഒന്ന് മുതൽ ജിപിഎസ് ഘടിപ്പിക്കണം,

തിരുവനന്തപുരം: അന്തർസംസ്ഥാന ബസുകളിൽ ജൂൺ ഒന്ന് മുതൽ ജിപിഎസ് ഘടിപ്പിക്കണമെന്ന് സർക്കാർ കര്‍ശന നിര്‍ദ്ദേശം നൽകി.അന്തർസംസ്ഥാന ബസുകളുടെ ലൈസൻസ് വ്യവസ്ഥകൾ കർശനമാക്കും. സ്പീഡ് ഗവർണർ നിർബന്ധമാക്കും. ഗതാഗത മന്ത്രി എ കെ ശശീന്ദ്രൻ വാർത്താസമ്മേളനത്തിൽ പറഞ്ഞു. നിരക്ക് നിയന്ത്രണം പഠിക്കാൻ ജസ്റ്റിസ് രാമചന്ദ്രൻ സമിതിയെ ചുമതലപ്പെടുത്തി.

അന്തർസംസ്ഥാന സർവ്വീസ് നടത്തുന്ന ടൂറിസ്റ്റ് ബസുകളുടെ ചട്ടലംഘനങ്ങളിൽ കൂടുതൽ നടപടികള്‍ ആലോചിക്കാൻ ചേര്‍ന്ന ഉന്നതതല യോഗാനന്തരം വാര്‍ത്താ സമ്മേളനത്തില്‍ സംസാരിക്കുകയായിരുന്നു ഗതാഗതമന്ത്രി. യോഗത്തിൽ ഗതാഗത കമ്മീഷണർ, ഡിജിപി, കെഎസ്ആർടിസി എംഡി എന്നിവർ പങ്കെടുത്തു. സുരേഷ് കല്ലട ബസിലെ ജീവനക്കാർ യാത്രക്കാരെ മർദ്ദിച്ച സംഭവത്തിന് പിന്നാലെയാണ് മോട്ടോർ വാഹനവകുപ്പ് ടൂറിസ്റ്റ് ബസുകള്‍ക്കെതിരായി കർശന നടപടികള്‍ ആരംഭിച്ചത്.

അതേസമയം സംസ്ഥാനത്ത് ലൈസൻസ് ഇല്ലാതെ പ്രവർ‍ത്തിക്കുന്ന ബുക്കിംഗ് ഏജൻസികൾക്ക് മോട്ടോർ വാഹന വകുപ്പിന്‍റെ നോട്ടീസ് നല്കിവരുകയാണ്. ഒരാഴ്ച്ചക്കകം ലൈസൻസ് എടുക്കണമെന്നാണ് ഗതാഗത കമ്മീഷണർ ഏജൻസികൾക്ക് ക‌ർശന നിർദ്ദേശം നൽകിയിട്ടുള്ളത്. 23 ബസുകൾക്കെതിരെ ഇതുവരെ നടപടി എടുത്തു. പെർമിറ്റ് ചട്ടം ലംഘിച്ച വാഹനങ്ങൾക്ക് 5000 രൂപ വീതം പിഴ ചുമത്തിയിട്ടുണ്ട്. കല്ലട ട്രാവൽസിന്‍റെ മൂന്ന് വാഹനങ്ങൾ പെർമിറ്റ് ചട്ടം ലംഘിച്ചത്തിൽപ്പെടും. അമിത നിരക്ക് ഈടാക്കുക, സാധനങ്ങൾ കടത്തുക, എന്നിവക്കും പിഴ ഈടാക്കുന്നുണ്ട്. ഓപ്പറേഷൻ നെറ്റ് റൈഡിന്റെ ഭാഗമായാണ് നടപടികൾ നടന്നുവരുന്നത്.
കല്ലട ബസിലെ യാത്രക്കാരനെ ജീവനക്കാര്‍ മര്‍ദ്ദിച്ച സംഭവത്തിന് പിന്നാലെ അനധികൃത സര്‍വ്വീസുകള്‍ നടത്തുന്ന അന്തർ സംസ്ഥാന ബസുകൾക്കെതിരെ മോട്ടോർ വാഹന വകുപ്പ് ആരംഭിച്ച നടപടിയാണ് ഓപ്പറേഷൻ നൈറ്റ് റൈഡേഴ്സ്.

ശ്രീലങ്കയിൽ വീണ്ടും സ്ഫോടനം,ആളപായമില്ല,


കൊളംബോ: ശ്രീലങ്കയിൽ വീണ്ടും സ്ഫോടനം ഉണ്ടായി . കൊളംബോയിൽ നിന്ന് 40കിമീ അകലെയുള്ള പുഗോഡയിൽ മജിസ്ട്രേറ്റ് കോടതിക്ക് സമീപം ഒഴിഞ്ഞ സ്ഥലത്താണ് സ്ഫോടനം നടന്നത്. ആർക്കും അപകടം ഉള്ളതായി റിപ്പോർട്ട് ചെയ്യപ്പെട്ടിട്ടില്ല. സംഭവത്തെക്കുറിച്ച് പൊലീസ്അന്വേഷിച്ച്‌ വരുകയാണ്.

ഈസ്റ്റർ ദിനത്തിലുണ്ടായ സ്ഫോടന പരമ്പരയിൽ 359 ഓളം പേരാണ് മരണപ്പെട്ടത്. ഞെട്ടലിൽ നിന്ന് മുക്തരാകും മുൻപാണ് വീണ്ടു സ്ഫോടനം ഉണ്ടായത്. ഞായാറാഴ്ച ശ്രീലങ്കയിലെ ക്രിസ്ത്യൻ പള്ളികളും പഞ്ചനക്ഷത്ര ഹോട്ടലുകളും ലക്ഷ്യം വച്ചാണ് സ്ഫോടനപരമ്പര നടന്നത്.

‘ഫാനി’ വരുമെന്ന് മുന്നറിയിപ്പ്, ജാഗ്രതാ നിർദ്ദേശം,

തിരുവനന്തപുരം: ശ്രീലങ്കയുടെ തെക്കുകിഴക്ക് രൂപംകൊള്ളുന്ന ന്യൂനമർദം തമിഴ്‌നാട് തീരത്ത് ചുഴലിക്കാറ്റായി മാറാൻ സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പിൻറെ മുന്നറിയിപ്പ്. ‘ഫാനി’ എന്ന് പേരുനൽകിയിരിക്കുന്ന ചുഴലികാറ്റ് തമിഴ്നാട് തീരത്ത് നാശം വിതക്കാനുള്ള സാധ്യതയുണ്ടെന്നും അറിയിപ്പിൽ പറയുന്നു. കടലിൽ രണ്ട് മീറ്ററിലധികം ഉയരത്തില്‍ തിരമാലകളുണ്ടാവുമെന്ന് പറയുന്ന കാലാവസ്ഥാ വകുപ്പ് കടലില്‍ മീൻ പിടിക്കാന്‍ പോയവരോട് മടങ്ങിവരാനും നിർദേശിച്ചിട്ടുണ്ട്.

ഇന്ത്യൻ മഹാസമുദ്രത്തിലെ ദക്ഷിണ ബംഗാൾ ഉൾക്കടിലിൽ തെക്ക് കിഴക്കൻ ശ്രീലങ്കയോട് ചേർന്നുള്ള സമുദ്ര ഭാഗത്താണ് ന്യൂനമർദം രൂപപ്പെടുന്നത്. അടുത്ത 36 മണിക്കൂറിൽ അതൊരു തീവ്ര ന്യൂനമർദമായി മാറാനുള്ള സാധ്യതയാണ് കേന്ദ്ര കാലാവസ്ഥാ നിരീക്ഷണ കേന്ദ്രം പ്രവചിച്ചിരിക്കുന്നത്. ഒരു ചുഴലിക്കാറ്റായി മാറാൻ സാധ്യതയുള്ള ഈ ന്യൂനമർദം തമിഴ്നാട് തീരത്ത് നാശം വിതക്കാനുള്ള സാധ്യതയുണ്ടെന്നും അറിയിപ്പിൽ പറയുന്നു. കേരളത്തെ നേരിട്ട് ബാധിക്കില്ലെങ്കിലും 29,30 മേയ് ഒന്ന് തീയതികളില്‍ വ്യാപകമായ മഴയ്ക്കും ശക്തമായ കാറ്റിനുംകേരളത്തിൽ സാധ്യതയുണ്ടെന്നും അറിയിപ്പിൽ പറയുന്നുണ്ട്.

കൊളംബോമരണസംഖ്യ 359 ആയി, ആക്രമണം നടത്തിയത്, ഒൻപത് ചാവേറുകൾ,

കൊളംബോ : ശ്രീലങ്കയിൽ ഭീകരാക്രമണത്തിൽ കൊല്ലപ്പെട്ടവരുടെ എണ്ണം 359 ആയി.ഉപപ്രധാനമന്ത്രി റുവാൻ വി ജയ് വാർധനെയാണ് ഇക്കാര്യം വെളിപ്പെടുത്തിയത്. സംഭവവുമായി ബന്ധപ്പെട്ട് 60 പേരെ ഇതുവരെ പൊലീസ് കസ്റ്റഡിയിൽ എടുത്തിട്ടുണ്ട്.ആക്രമണം നടത്തിയവരിൽ വനിതാ ചാവേറും ഉണ്ടായിരുന്നതായി ഉപ പ്രതിരോധ മന്ത്രി റുവാൻ വിജെവർധനെ പറയുന്നു. ഒൻപത് പേരാണ് വിവിധയിടങ്ങളിലായി ചാവേർ ആക്രമണം നടത്തിയത്. ഇതിൽ ഒരാൾ വനിതയാണെന്നാണ് അദ്ദേഹം അറിയിച്ചിരിക്കുന്നത്.ആക്രമണത്തിന്റെ ഉത്തരവാദിത്വം ഭീകരസംഘടനയായ ഇസ്ലാമിക് സ്റ്റേറ്റ് ഏറ്റെടുത്തിരുന്നു. ആക്രമികളുടെതെന്ന് പറഞ്ഞ ചിത്രങ്ങളും വീഡിയോയും പുറത്തു വിടുകയും ചെയ്തിരുന്നു. എന്നാൽ ആധികാരികത ഉറപ്പാക്കാത്ത ആ ദൃശ്യങ്ങളിലൊന്നും വനിതാ ചാവേറിനെപ്പറ്റി പറയുന്നില്ല.

പോളിംഗ് ഉയർന്നതിനെ പറ്റി, മുഖ്യൻറെ പ്രതികരണം ‘മാറിനില്‍ക്ക് അങ്ങോട്ട് ‘

കൊച്ചി:സംസ്ഥാനത്ത് പോളിംഗ് ശതമാനം ലോക്‌സഭാ തെരഞ്ഞെടുപ്പില്‍ ഉയര്‍ന്നതു സംബന്ധിച്ച് പ്രതികരണം ചോദിച്ച മാധ്യമ പ്രവര്‍ത്തകരോട് മുഖ്യമന്ത്രി പിണറായി വിജയൻ കൊപപ്പെട്ടു. ചോദ്യത്തിന് മറുപടി നല്‍കാന്‍ തയാറാകാതെ മുഖ്യമന്ത്രി ‘മാറിനില്‍ക്ക് അങ്ങോട്ട് ‘ എന്നാണ് പത്രക്കാരോട് പ്രതികരിച്ചത്.
എറണാകുളം ഗസ്റ്റ് ഹൗസില്‍ വെച്ചായിരുന്നു സംഭവം. മുഖ്യമന്ത്രി ഗസ്റ്റ് ഹൗസില്‍ നിന്ന് വിമാനത്താവളത്തിലേക്ക് പുറപ്പെടാന്‍ തുടങ്ങുന്നതിനിടെയാണ് മാധ്യമ പ്രവർത്തകർ മുഖ്യൻറെ പ്രതികരണം തേടിയത്.

കണ്ണൂരില്‍ വോട്ടു ചെയ്ത് ചൊവ്വാഴ്ച വൈകിട്ടാണ് മുഖ്യമന്ത്രി എറണാകുളത്തെത്തിയത്. ഇതിന് മുന്‍പ് പലതവണ പിണറായി വിജയൻ മാധ്യമപ്രവർത്തകരോട് ശത്രുക്കളെന്ന പോലെ പെരുമാറിയിട്ടുണ്ട്.
‘കടക്കൂ പുറത്ത്’ എന്ന് പറഞ്ഞു പത്രക്കാരെ പുറത്താക്കിയ സംഭവം ഇതിന് ഒരു ഉദാഹരണം മാത്രം.പോളിംഗ് ശതമാനം 77.68 ആയത്‌ തങ്ങൾക്ക്‌ അനുകൂലമായെന്ന് ഇരുമുന്നണികളും അവകാശ വാദം ഉന്നയിക്കുന്നതിനിടെയുള്ള മുഖ്യമന്ത്രിയുടെ പ്രതികരണം ഇടതുമുന്നണിയുടേതോ,പാർട്ടിയുടേതോ,അതുമല്ല മുഖ്യമന്ത്രിയുടേത് തന്നെയോ എന്ന് വ്യക്തമല്ല. മൂന്നു പതിറ്റാണ്ടിനിടെയുണ്ടായ എറ്റവും വലിയ പോളിംഗ് ശതമാനത്തോടെയാണ് കേരളം ലോക്‌സഭ തെരഞ്ഞെടുപ്പില്‍ വിധിയെഴുതിയത്.

« Older Entries